ജിദ്ദ: ആഭ്യന്തരയുദ്ധം രൂക്ഷമായ സുഡാനില്‍ കുടുങ്ങിയ ഇന്ത്യാക്കാരെയും കൊണ്ടുള്ള ആദ്യ വിമാനം ഇന്ന് ഡല്‍ഹിയിലെത്തും. മലയാളികള്‍ ഉള്‍പ്പെടെയുള്ള ആദ്യ സംഘമാണ് ഇന്നു രാത്രി ഡല്‍ഹിയിലെത്തുക. മലയാളികളെ കേരള ഹൗസിലെത്തിക്കും. 

360 ഇന്ത്യാക്കാര്‍ ജിദ്ദ വിമാനത്താവളത്തില്‍ നിന്നും യാത്ര തിരിച്ചതായി കേന്ദ്ര വിദേശകാര്യസഹമന്ത്രി വി മുരളീധരന്‍ അറിയിച്ചു. ഇവര്‍ ഉടന്‍ ജന്മനാട്ടില്‍ തിരിച്ചെത്തും. ഇവര്‍ വിമാനത്തില്‍ നാട്ടിലേക്ക് പോകുന്നതിന്റെ വീഡിയോയും കേന്ദ്രമന്ത്രി സമൂഹമാധ്യമത്തില്‍ പങ്കുവെച്ചിട്ടുണ്ട്. 

സുഡാനില്‍ കുടുങ്ങിയവരെ നാട്ടിലെത്തിക്കാനുള്ള ഓപ്പറേഷന്‍ കാവേരി പദ്ധതി തുടരുകയാണെന്ന് കേന്ദ്രമന്ത്രി അറിയിച്ചു. ഇന്ത്യന്‍ വ്യോമസേനയുടെ മറ്റൊരു വിമാനം ജിദ്ദയില്‍ നിന്നും ഇന്നു വൈകീട്ട് യാത്ര തിരിക്കും. നാളെ രാവിലെ സംഘം മുബൈയില്‍ എത്തുമെന്ന് സര്‍ക്കാര്‍ വൃത്തങ്ങള്‍ സൂചിപ്പിച്ചു.

ഈ വാർത്ത കൂടി വായിക്കൂ 

ഛത്തീസ്ഗഡില്‍ വന്‍ മാവോയിസ്റ്റ് ആക്രമണം; 10 പൊലീസുകാരും ഡ്രൈവറും കൊല്ലപ്പെട്ടു 

 സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ