ഡോക്ടറുടെ കൊലപാതകത്തില്‍ സ്വമേധയാ കേസെടുത്ത് സുപ്രീംകോടതി, മോഹന്‍ലാല്‍ ആശുപത്രിയില്‍, ഇന്നത്തെ 5 പ്രധാന വാര്‍ത്തകള്‍

'ലോഡ്ജില്‍ പലരും വരും, അതൊന്നും പുറത്ത് പറയേണ്ടെന്ന് ഭീഷണി'; ജസ്‌നയെ യുവാവിനൊപ്പം കണ്ടെന്ന് ജീവനക്കാരിയുടെ വെളിപ്പെടുത്തല്‍

Author : സമകാലിക മലയാളം ഡെസ്ക്

Updated:18th Aug, 2024 at 8:15 PM

കൊല്‍ക്കത്തയിലെ ഡോക്ടറുടെ കൊലപാതകം; സ്വമേധയാ കേസെടുത്ത് സുപ്രീംകോടതി, 20 ന് പരിഗണിക്കും

സുപ്രീം കോടതി

ന്യൂഡല്‍ഹി: കൊല്‍ക്കത്തയില്‍ ആര്‍ജി കര്‍ മെഡിക്കല്‍ കോളജില്‍ വനിതാ ഡോക്ടര്‍ ബലാത്സംഗത്തിനിരയായി കൊല്ലപ്പെട്ട സംഭവത്തില്‍ സ്വമേധയാ കേസെടുത്ത് സുപ്രീംകോടതി. ചീഫ് ജസ്റ്റിസ് ഡി.വൈ. ചന്ദ്രചൂഡ് അധ്യക്ഷനായ ബെഞ്ച് കേസ് ചൊവ്വാഴ്ച പരിഗണിക്കും. സംഭവത്തില്‍ സുപ്രീംകോടതി സ്വമേധയാ ഇടപെടണമെന്ന് ആവശ്യപ്പെട്ട് രണ്ട് അഭിഭാഷകര്‍ ചീഫ് ജസ്റ്റിസിന് കത്ത് നല്‍കിയിരുന്നു.

Add Samakalika Malayalam as a Trusted Source

'ലോഡ്ജില്‍ പലരും വരും, അതൊന്നും പുറത്ത് പറയേണ്ടെന്ന് ഭീഷണി'; ജസ്‌നയെ യുവാവിനൊപ്പം കണ്ടെന്ന് ജീവനക്കാരിയുടെ വെളിപ്പെടുത്തല്‍

ജസ്‌ന

പത്തനംതിട്ട: വര്‍ഷങ്ങള്‍ക്ക് മുന്‍പ് പത്തനംതിട്ടയില്‍ നിന്ന് കാണാതായ ജസ്‌നയോട് സാമ്യമുളള പെണ്‍കുട്ടി മുണ്ടക്കയത്തെ ലോഡ്ജില്‍ എത്തിയതായി മുന്‍ ജീവനക്കാരി രമണിയുടെ വെളിപ്പെടുത്തല്‍. കാണാതാകുന്നതിന് ദിവസങ്ങള്‍ക്ക് മുന്‍പ് അജ്ഞാതനായ വെളുത്തുമെലിഞ്ഞ യുവാവിനൊപ്പം ഇവിടെവെച്ച് കണ്ടെന്നാണ് ജീവനക്കാരിയുടെ വെളിപ്പെടുത്തല്‍ ജസ്‌നയുടെ ദൃശ്യങ്ങള്‍ അവസാനമായി പതിഞ്ഞതും ലോഡ്ജിന് സമീപത്തെ തുണിക്കടയുടെ സിസിടിവി ക്യാമറയിലാണ്.

'നീതിയാണ് ആവശ്യം'; വൈരം മറന്ന് ഫുട്‌ബോള്‍ ആരാധകര്‍, വന്‍പ്രതിഷേധം, ലാത്തി വീശി പൊലീസ്, വിഡിയോ

വനിതാ ഡോക്ടറുടെ കൊലപാതകത്തില്‍ പ്രതിഷേധിച്ച് ഈസ്റ്റ് ബംഗാള്‍, മോഹന്‍ ബഗാന്‍ ക്ലബ്ബുകളുടെ ആരാധകര്‍ സാള്‍ട്ട് ലേക്ക് സ്റ്റേഡിയത്തിന് പുറത്ത് നടത്തിയ പ്രതിഷേധം

കൊല്‍ക്കത്ത: ആര്‍ജി കര്‍ മെഡിക്കല്‍ കോളജില്‍ യുവ ഡോക്ടര്‍ ബലാത്സംഗത്തിന് ഇരയായി കൊല്ലപ്പെട്ട സംഭവത്തില്‍ ഇരയ്ക്ക് നീതി ലഭിക്കണമെന്ന് ആവശ്യപ്പെട്ട് വന്‍ പ്രതിഷേധം നടത്തി മോഹന്‍ ബഗാന്‍- ഈസ്റ്റ് ബഗാന്‍ ആരാധകര്‍. കൊല്‍ക്കത്തയിലെ പ്രസിദ്ധമായ സാള്‍ട്ട് ലേക്ക് സ്റ്റേഡിയത്തിന് പുറത്ത് നാടകീയ രംഗങ്ങളാണ് അരങ്ങേറിയത്. ആരാധകരുടെ പ്രതിഷേധ സാധ്യത കണക്കിലെടുത്ത് ഡ്യൂറന്റ് കപ്പില്‍ മോഹന്‍ ബഗാന്‍- ഈസ്റ്റ് ബഗാന്‍ മത്സരം റദ്ദാക്കിയിരുന്നു.