സേലം: ചന്ദനക്കൊള്ളക്കാരന്‍ വീരപ്പന്റെ മൂത്ത സഹോദരന്‍ മാതേയന്‍ അന്തരിച്ചു. 75 വയസ്സായിരുന്നു. ഹൃദയസ്തംഭനത്തെത്തുടര്‍ന്നായിരുന്നു അന്ത്യം. നെഞ്ചുവേദനയെത്തുടര്‍ന്ന് മാതേയനെ സേലം മോഹന്‍ കുമാരമംഗലം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചിരിക്കുകയായിരുന്നു. 

കൊലപാതകക്കേസില്‍ ജീവപര്യന്തം തടവിന് ശിക്ഷിക്കപ്പെട്ട മാതേയന്‍ സേലം സെന്‍ട്രല്‍ ജയിലില്‍ കഴിയുകയായിരുന്നു. ഇതിനിടെ മെയ് ഒന്നിനാണ് നെഞ്ചുവേദന അനുഭവപ്പെട്ടത്. തുടര്‍ന്ന് മെഡിക്കല്‍ കോളജിലേക്ക് മാറ്റി. 

ഫോറസ്റ്റ് റെയ്ഞ്ചര്‍ ചിദംബരത്തെ കൊലപ്പെടുത്തിയ കേസില്‍ 1987 ലാണ് ബംഗാലപുഡൂര്‍ പൊലീസ് മാതേയനെ അറസ്റ്റ് ചെയ്യുന്നത്. കഴിഞ്ഞ 34 വര്‍ഷമായി ഇയാള്‍ സേലം ജയിലിലായിരുന്നു.

ഈ വാര്‍ത്ത കൂടി വായിക്കാം 

ട്രക്കില്‍നിന്നു ചില്ലി സോസ് വഴി നീളെ ഒഴുകി, ആളുകള്‍ക്കു ചുമയും കണ്ണെരിച്ചിലും, പരിഭ്രാന്തി

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ