കൊല്‍ക്കത്ത: ബംഗാൡ തൃണമൂല്‍ കോണ്‍ഗ്രസിന് വ്യക്തമായ ലീഡ്. 294 സീറ്റുകളില്‍ 292 സീറ്റുകളിലെ ഏകദേശ ചിത്രം വ്യക്തമാകുമ്പോള്‍ തൃണമൂല്‍ കോണ്‍ഗ്രസിന് 207 സീറ്റുകളിലാണ് ലിഡ്. ബിജെപി 81 സീറ്റുകളില്‍ മുന്നിട്ട് നില്‍ക്കുന്നു. നന്ദിഗ്രാമില്‍ തുടക്കം മുതല്‍ പിന്നിലായിരുന്ന മുഖ്യമന്ത്രി മമതാ ബാനര്‍ജിയും ആദ്യമായി ലീഡ് നേടിയതോടെ തൃണമൂല്‍ കോണ്‍ഗ്രസിന് ഇരട്ടി മധുരം. 

തന്റെ പഴയ വിശ്വസ്തന്‍ ബിജെപി സ്ഥാനാര്‍ഥി സുവേന്ദു അധികാരിക്കെതിരെ 2,700 വോട്ടിനാണ് നിലവില്‍ മമത ലീഡ് ചെയ്യുന്നത്. ഇതോടെ, സംസ്ഥാനത്തിന്റെ വിവിധ ഭാഗങ്ങളില്‍ തൃണമൂല്‍ പ്രവര്‍ത്തകര്‍ ആഘോഷം ആരംഭിച്ചു. വോട്ടെണ്ണലിന്റെ തുടക്കം മുതല്‍ ഒപ്പത്തിനൊപ്പമുണ്ടായിരുന്ന ബിജെപിയെ പിന്നിലാക്കിയാണ് നിലവില്‍ തൃണമൂല്‍ മുന്നേറുന്നത്. 

292 സീറ്റുകളിലെ ഫലസൂചനകളില്‍ 207 സീറ്റുകളില്‍ തൃണമൂല്‍ കോണ്‍ഗ്രസ് മുന്നിലാണ്. ബിജെപിക്ക് 82 സീറ്റുകളില്‍ ലീഡുണ്ട്. കോണ്‍ഗ്രസ് - ഇടത് സഖ്യത്തിന് നിലവില്‍ ഒരേയൊരു സീറ്റിലാണ് ലീഡുള്ളത്.