ന്യൂഡല്ഹി: ലോക്സഭാ പ്രതിപക്ഷ നേതാവ് രാഹുല് ഗാന്ധി ജാതിയുടെ പേരില് രാജ്യത്തെ വിഭജിക്കാന് ശ്രമിക്കുന്നതിനാല് അദ്ദേഹത്തോട് ജാതി ചോദിക്കുന്നതില് തെറ്റില്ലെന്ന് കേന്ദ്ര മന്ത്രി കിരണ് റിജിജു. കോണ്ഗ്രസ് നേതാക്കള് ജനങ്ങളുടെ ജാതി ചോദിക്കുന്നുണ്ട്. ജാതി അറിയാത്തവരാണ് ജാതി സെന്സസിനെക്കുറിച്ച് സംസാരിക്കുന്നതെന്ന് ബിജെപി എംപി അനുരാഗ് ഠാക്കൂര് പറഞ്ഞിരുന്നു. ഇതെത്തുടര്ന്ന് ലോക്സഭയിലെ പ്രതിപക്ഷ പ്രതിഷേധത്തില് പ്രതികരിക്കുകയായിരുന്നു കിരണ് റിജിജു.
ജാതി ചോദിച്ച് രാജ്യത്തെ വിഭജിക്കാന് കോണ്ഗ്രസ് ഗൂഢാലോചന നടത്തി. രാഹുല് ഗാന്ധിയുടെ ജാതിയെക്കുറിച്ച് ചോദിച്ചപ്പോഴാണ് വലിയ പ്രതിഷേധം ഉയരുന്നത്. കോണ്ഗ്രസ് ദിവസവും ജാതിയെക്കുറിച്ച് സംസാരിക്കുന്നു. അവര്ക്ക് ആളുകളുടെ ജാതി ചോദിക്കാം. അവരുടെ ജാതിയെക്കുറിച്ച് ആര്ക്കും ചോദിക്കാന് കഴിയില്ല. രാജ്യത്തെയും ജനാധിപത്യ വ്യവസ്ഥിതിയെയും ദുര്ബലപ്പെടുത്താനുള്ള ഗൂഢാലോചനയാണിതെന്നും കിരണ് റിജിജു കുറ്റപ്പെടുത്തി.
വാര്ത്തകള് അപ്പപ്പോള് ലഭിക്കാന് സമകാലിക മലയാളം ആപ് ഡൗണ്ലോഡ് ചെയ്യുക ഏറ്റവും പുതിയ വാര്ത്തകള്
പ്രധാനമന്ത്രി ഒബിസി വിഭാഗത്തില്പ്പെട്ടയാളാണെന്നും എല്ലാ സമുദായങ്ങളുടേയും ഉന്നമനത്തിനായി പ്രവര്ത്തിക്കുന്നയാളാണെന്നും അദ്ദേഹം കൂട്ടി ചേര്ത്തു. 70 വര്ഷം അധികാരത്തിലിരുന്ന കോണ്ഗ്രസ് എന്തുകൊണ്ടാണ് ജാതി സെന്സസ് നടത്താതിരുന്നതെന്നും അദ്ദേഹം പറഞ്ഞു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates