ന്യൂഡല്‍ഹി: രാജ്യത്ത് വീണ്ടും കോവിഡ് ബാധിതരുടെ എണ്ണം കൂടുന്നു. കഴിഞ്ഞ ഇരുപത്തിനാലു മണിക്കൂറിനിടെ 24,882 പേര്‍ക്കാണ് രോഗം സ്ഥിരീകരിച്ചത്. ഈ വര്‍ഷത്തെ ഏറ്റവും വലിയ പ്രതിദിന വര്‍ധനയാണിത്. 

83 ദിവസത്തിനിടയിലെ ഏറ്റുവും ഉയര്‍ന്ന പ്രതിദിന വര്‍ധനയാണ് ഇന്നത്തേതെന്ന് ആരോഗ്യമന്ത്രാലയ വൃത്തങ്ങള്‍ പറഞ്ഞു. ഡിസംബര്‍ 20ന് റിപ്പോര്‍ട്ട് ചെയ്ത 26,624 ആണ് ഇതിനു മുമ്പുള്ള വലിയ പ്രതിദിന വര്‍ധന. 

ഇതുവരെ രാജ്യത്ത് രോഗം സ്ഥിരീകരിച്ചവരുടെ എണ്ണം 1,13,33,728 ആയി. കോവിഡ് ബാധിച്ച് മരിച്ചവര്‍ 1,58,446. 140 പേരാണ് ഇന്നലെ മാത്രം കോവിഡ് മൂലം മരിച്ചത്. 

ആക്ടിവ് കേസുകളുടെ എണ്ണം 2,02,022 ആണ്. ആകെ രോഗബാധിതരുടെ 1.74 ശതമാനമാണിത്. രോഗമുക്തി നിരക്ക് 96.82 ശതമാനത്തിലേക്കു താഴ്ന്നു.