ഹൈദരബാദ്:  സമയത്ത് എത്താത്തതിനാല്‍ കാമുകന്റെ കഴുത്തില്‍ കത്തി കൊണ്ട് യുവതിയെ പൊലീസ് അറസ്റ്റ് ചെയ്തു. സാരമായി പരിക്കേറ്റ യുവാവ് അപകടനില തരണം ചെയ്തതായി പെലീസ് പറഞ്ഞു. ഹൈദരബാദിലാണ് സംഭവം.

ആറ് മാസമായി ഇരുവരും തമ്മില്‍ പ്രണയത്തിലായിരുന്നു. സ്വകാര്യകമ്പനിയിലെ ജീവനക്കാരായ ഇരുവരും ചൊവ്വാഴ്ച യുവതിയുടെ ജന്മദിനം ആഘേഷിക്കാന്‍ തീരുമാനിച്ചു. ഇതിന്റെ ഭാഗമായി ഒരു റെസ്റ്ററന്റില്‍ കണ്ടുമുട്ടാന്‍ പദ്ധതിയിടുകയും ചെയ്തു. എന്നാല്‍ പറഞ്ഞ സമയത്ത് യുവാവ് എത്തിയില്ല. രണ്ടുമണിക്കൂര്‍ വൈകിയെത്തിയതിനാല്‍ സുഹത്തിനൊപ്പം പോകാന്‍ യുവതി തയ്യാറായില്ല. മദ്യലഹരിയിലായിരുന്ന കാമുകന്‍ വഴക്കിട്ട ശേഷം യുവതിയെ തല്ലിയതായും പൊലീസ് പറഞ്ഞു.

യുവതിയുടെ ബാഗിലുണ്ടായിരുന്ന ക്രാഫ്റ്റ് കത്തി ഉപയോഗിച്ച് കാമുകനെ ആക്രമിക്കുകയായിരുന്നു. കഴുത്തില്‍ ആഴത്തില്‍ മുറിവേറ്റ യുവാവിനെ നാട്ടുകാരാണ് ആശുപത്രിയില്‍ എത്തിച്ചത്. യുവാവിന്റെ പരാതിയില്‍ യുവതിക്കെതിരെ വധശ്രമത്തിന് കേസ് എടുത്തതായി പൊലീസ് പറഞ്ഞു.

ഈ വാര്‍ത്ത കൂടി വായിക്കൂ

എന്നോടൊപ്പം സെക്‌സ് ചെയ്യണം; പെണ്‍കുട്ടിയുടെ കുളിമുറി ദൃശ്യങ്ങള്‍ വൈറലാക്കുമെന്ന് ഭിഷണി; അറസ്റ്റിലായ യുവാവിന്റെ ഫോണില്‍ നിരവധി വീഡിയോകള്‍

സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ