നന്ദുർബാർ: മന്ത്രവാദം ചെയ്യുന്നുവെന്ന് സംശയിച്ച് നാട്ടുകാർ യുവതിയെ നഗ്നയാക്കി നടത്തി. മധ്യപ്രദേശിലെ സത്‌പുര പർവതനിരയിൽ വച്ച് നടന്ന സംഭവത്തിന്‍റെ ദൃശ്യങ്ങൾ ചിത്രീകരിക്കുകയും ഇത് സമൂഹമാധ്യമങ്ങളിൽ പ്രചരിപ്പിക്കുകയും ചെയ്തു. സംഭവത്തെക്കുറിച്ചും ഇരയായ യുവതിയെക്കുറിച്ചും പൊലീസ് അന്വേഷിച്ചുവരികയാണ്.

ദൃശ്യങ്ങൾ ലഭിച്ചെന്നും ഇത് വിശദമായി പരിശോധിച്ചുവരികയാണെന്നും പൊലീസ് പറഞ്ഞു. പ്രതികളെക്കുറിച്ചുള്ള  കൂടുതൽ വിവരങ്ങൾ വൈകാതെ ലഭിക്കുമെന്നും പൊലീസ് അറിയിച്ചു. സംഭവവുമായി ബന്ധപ്പെട്ട് സംസ്ഥാന, കേന്ദ്ര വനിത കമ്മിഷനുകൾക്ക് പരാതി നൽകിയതായും റിപ്പോർട്ടുണ്ട്.