ന്യൂഡൽഹി: മാലിന്യ കൂമ്പാരത്തിൽ ബാ​ഗിൽ ഉപേക്ഷിച്ച നിലയിൽ യുവതിയുടെ മൃത​ദേഹം കണ്ടെത്തി. ഡൽഹിക്കു സമീപം നോയിഡയിലാണ് സംഭവം. കൈകാലുകൾ കെട്ടിയ നിലയിലാണ്. യുവതിയുടെ മുഖം കത്തിക്കരിഞ്ഞ നിലയിലുമാണ്.

സംഭവം കൊലപാതകമെന്നാണ് പൊലീസിന്റെ പ്രാഥമിക നിഗമനം. യുവതിയെ തിരിച്ചറിയാതിരിക്കാൻ മുഖം കരിച്ചു കളയാനുള്ള ശ്രമം നടത്തി എന്നാണ് പൊലീസ് പറയുന്നത്.

നോയിഡയിലെ സെക്ടർ 142ലാണ് മൃതദേഹം കണ്ടെത്തിയത്. 22- 25 വയസിനിടയിൽ പ്രായമുള്ള യുവതിയുടെ മൃതദേഹമാണെന്ന് പൊലീസ് പറയുന്നു. യുവതിയെ തിരിച്ചറിയാൻ പൊലീസ് അന്വേഷണം തുടങ്ങി. സ്ഥലത്തെ സിസിടിവി ദൃശ്യങ്ങൾ കേന്ദ്രീകരിച്ചാണ് അന്വേഷണം.