അഹമ്മദാബാദ് : ആദിവാസി പെണ്‍കുട്ടിയെ പ്രണയിച്ച മുസ്ലിം യുവാവിനെ തല്ലിക്കൊന്നു. ഗുജറാത്തിലെ ഭറൂച്ചിലാണ് സംഭവം.  17കാരനായ ഫൈസ് ആണ് കൊല്ലപ്പെട്ടത്. സംഭവത്തില്‍ നാല് പേരെ പിടികൂടിയതായി അങ്കലേശ്വര്‍ എസ്പി എല്‍എ ഝാ പറഞ്ഞു.

അങ്കലേശ്വര്‍ എന്ന സ്ഥലത്തേക്ക് സുഹൃത്തുക്കളോടൊപ്പം പോയ യുവാവിനെ ഒരു സംഘമാളുകള്‍ മര്‍ദ്ദിച്ച് കൊലപ്പെടുത്തുകയായിരുന്നുവെന്ന് ഫൈസിന്റെ പിതാവ് മുഹമ്മദ് സുല്‍ത്താന്‍ അബ്ദുല്‍ റഹിം ഖുറേഷി പറഞ്ഞു. പരിക്കേറ്റ മകന്‍ ഫോണ്‍ ചെയ്ത് അങ്കലേശ്വറില്‍ എത്താന്‍ പറഞ്ഞു. എത്തിയപ്പോള്‍ പരിക്കേറ്റ് ഗുരുതരാവസ്ഥയിലായിരുന്നു.

ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ലെന്നും അദ്ദേഹം പറഞ്ഞു. ജൂലൈ 24 നായിരുന്നു മര്‍ദനം ഉണ്ടായത്. ഫൈസിനെ 12 ഓളം പേര്‍ ചെര്‍ന്ന് വളഞ്ഞിട്ട് ക്രൂരമായി മര്‍ദിക്കുകയായിരുന്നുവെന്നാണ് പൊലീസ് എഫ്‌ഐആറില്‍ പറയുന്നത്. കേസിലെ മറ്റു പ്രതികളെ കണ്ടെത്താന്‍ അന്വേഷണം ഊര്‍ജ്ജിതമാക്കിയതായി അങ്കലേസ്വര്‍ എസ്പി അറിയിച്ചു.