അശ്ലീലം പറഞ്ഞ യുവാവിനെ കൈയോടെ പിടികൂടി യുവതി പൊലീസിനെ ഏല്‍പ്പിച്ചു. തിരക്കുള്ള മാര്‍ക്കറ്റില്‍ വെച്ച് പുറകെ നടന്ന് ശല്യം ചെയ്ത യുവാക്കള്‍ക്കാണ് പെണ്‍കുട്ടി കണക്കിന് കൊടുത്തത്. ഫെബ്രുവരി 25 ന് കരോര്‍ ബാഗിലെ ഗഫര്‍ മാര്‍ക്കറ്റിലാണ് സംഭവമുണ്ടായത്. 

സുഹൃത്തിനൊപ്പം നടക്കുകയായിരുന്ന പെണ്‍കുട്ടിയോട് യുവാക്കള്‍ അശ്ലീലം പറഞ്ഞു. ഇതിനെ അവഗണിച്ചപ്പോള്‍ ഇവര്‍ വീണ്ടും പുറകെകൂടുകയായിരുന്നു. അവരെ ഒഴിവാക്കാന്‍ സൈക്കിള്‍ റിക്ഷയില്‍ കയറിയെങ്കിലും പിന്തുടര്‍ന്ന് ആക്ഷേപിക്കാന്‍ തുടങ്ങി. സഹികെട്ടപ്പോള്‍ യുവതി റിക്ഷയില്‍ നിന്ന് ഇറങ്ങി കൂട്ടത്തില്‍ ഒരാളുടെ കോളറിന് പിടിച്ച് മുഖത്ത് അടിച്ചു. അപ്പോഴേക്കും ആളുകള്‍കൂടി. എന്നാല്‍ ഇയാളുടെ പിടിവിടാന്‍ യുവതി തയാറായില്ല. ഇയാളെ വലിച്ച് പൊലീസ് സ്റ്റേഷനില്‍ ഏല്‍പ്പിച്ച് പരാതി നല്‍കിയതിന് ശേഷമാണ് മടങ്ങിയത്. 

രണ്ട് പോലെ പൊലീസ് അറസ്റ്റു ചെയ്തു. ഛണ്ഡീഗഡ്  സ്വദേശികളായ മനീഷ്, അഭിഷേക് എന്നിവരെയാണ് അറസ്റ്റ് ചെയ്തത്. പൂവാലനെ കൈകാര്യം ചെയ്യുന്നതിന്റെ ദൃശ്യങ്ങള്‍ സോഷ്യല്‍ മീഡിയയില്‍ വൈറലാവുകയാണ്.