ന്യൂഡല്‍ഹി: പ്രധനമന്ത്രി നരേന്ദ്രമോദിയുടെ 69ാംമത് ജന്മദിനാഘോഷങ്ങള്‍ക്ക് തുടക്കമായി. പരിപാടിയുടെ ഉദ്ഘാടനം ആഭ്യന്തരമന്ത്രിയും ബിജെപി അധ്യക്ഷനുമായ അമിത് ഷാ നിര്‍വഹിച്ചു. സേവനവാരത്തിന്റെ ഭാഗമായി  അമിത്ഷായും ബിജെപി നേതാക്കളും ഡല്‍ഹിയിലെ എയിംസ് ആശുപത്രി ശുചിയാക്കി. ബിജെപി വര്‍ക്കിങ് പ്രസിഡന്റ് ജെപി നദ്ദ, വിജയ് ഗോയല്‍, വിജേന്ദര്‍ ഗുപ്ത എന്നിവരും അമിത് ഷായ്‌ക്കൊപ്പമുണ്ടായിരുന്നു. 

ജന്മദിനാഘോഷത്തിന്റെ ഭാഗമായി ഒരാഴ്ച നീണ്ടുനില്‍ക്കുന്ന പരിപാടികളാണ് രാജ്യവ്യാപകമായി ബിജെപി നടത്തുന്നത്. ഇതോടനുബന്ധിച്ച്‌
താഴെത്തട്ട് മുതല്‍ വിവിധ ക്ഷേമപ്രവര്‍ത്തനങ്ങള്‍ ആവിഷ്‌കരിക്കും.  രക്തദാന ക്യാമ്പുകള്‍, ആരോഗ്യ ക്യാമ്പുകള്‍, നേത്ര പരിശോധനാ ക്യാമ്പുകള്‍ തുടങ്ങിയവ സംഘടിപ്പിക്കും. ശുചീകരണപ്രവര്‍ത്തനങ്ങള്‍, പ്ലാസ്റ്റിക് ഉപയോഗം കുറയ്ക്കല്‍, ജലശാക്തീകരണം എന്നീ മൂന്നുവിഷയങ്ങള്‍ കേന്ദ്രീകരിച്ച് പ്രചാരണപരിപാടികള്‍ സംഘടിപ്പിക്കും. ഈ മാസം 17നാണ് പ്രധാനമന്ത്രിയുടെ ജന്മദിനം.