ന്യൂയോർക്ക് : ഐക്യരാഷ്ട്ര രക്ഷാസമിതിയിലേക്ക് ഇന്ത്യ എതിരില്ലാതെ തെരഞ്ഞെടുക്കപ്പെട്ടു. സമിതിയിലെ സ്ഥിരാം​ഗത്വമില്ലാത്ത അം​ഗമായാണ് ഇന്ത്യ തെരഞ്ഞെടുക്കപ്പെട്ടത്. രണ്ടു വർഷമാണ് അംഗത്വത്തിന്റെ കാലാവധി.

193 അംഗ ജനറൽ അസംബ്ലിയിൽ 184 വോട്ടുകൾ ഇന്ത്യയ്ക്കു ലഭിച്ചു. ഏഷ്യാ – പസഫിക് വിഭാഗത്തിലാണ് ഇന്ത്യ തെരഞ്ഞെടുക്കപ്പെട്ടത്. എട്ടാം തവണയാണ് ഇന്ത്യയ്ക്ക് രക്ഷാസമിതിയിൽ അംഗത്വം ലഭിക്കുന്നത്. 2011–12 ലായിരുന്നു അവസാനം അംഗമായത്.

ഇന്ത്യയെ കൂടാതെ അയർലൻഡ്, മെക്സിക്കോ, നോർവെ എന്നീ രാജ്യങ്ങളും സമിതിയിൽ അംഗത്വം നേടി. സമിതിയിൽ ആകെ 15 അംഗങ്ങളാണ്. 5 രാജ്യങ്ങൾക്ക് സ്ഥിരംഗത്വമാണ്.