ന്യൂര്‍ സുല്‍ത്താന്‍: കസാഖിസ്ഥാനില്‍ എണ്ണപ്പാടത്ത് മലയാളികള്‍ ഉള്‍പ്പെടെ നൂറ്റിയമ്പതിലേറെ ഇന്ത്യക്കാര്‍ കുടുങ്ങി കിടക്കുന്നതായി റിപ്പോര്‍ട്ട്. ടെങ്കിസ് എണ്ണപ്പാടത്താണ് ഇന്ത്യക്കാര്‍ കുടുങ്ങി കിടക്കുന്നത്. അതേസമയം വിഷയത്തില്‍ കേന്ദ്രസര്‍ക്കാര്‍ ഇടപെടുന്നു.

ഇന്നലെ രാവിലെ മുതലാണ് എണ്ണപ്പാടത്തെ തൊഴിലാളികളായ ഇന്ത്യക്കാര്‍ കുടുങ്ങി കിടക്കുന്നത്. തദ്ദേശീയരുമായുളള സംഘര്‍ഷത്തെ തുടര്‍ന്നാണ് ഇന്ത്യക്കാര്‍ ദുരിതത്തിലായത് എന്നാണ് റിപ്പോര്‍ട്ടുകള്‍. തദ്ദേശീയരായ തൊഴിലാളികള്‍ വിദേശ തൊഴിലാളികളെ ആക്രമിക്കുകയായിരുന്നു. രക്ഷപ്പെടാന്‍ മാര്‍ഗമില്ലാത്ത അവസ്ഥയാണെന്ന് ഇന്ത്യക്കാര്‍ പറയുന്നു.

വിഷയത്തില്‍ കേന്ദ്രസര്‍ക്കാര്‍ ഇടപെടുന്നു. ഇന്ത്യക്കാരുടെ സുരക്ഷ ഉറപ്പാക്കാന്‍ വേണ്ട നടപടികള്‍ സ്വീകരിക്കുമെന്ന് വിദേശകാര്യ സഹമന്ത്രി വി മുരളീധരന്‍ പറഞ്ഞു.