ധര്മ്മശാല: ഹെല്മെറ്റ് ധരിക്കാതെ കാര് ഓടിച്ച ഡ്രൈവര്ക്ക് കോടതിയുടെ സമന്സ്. ഹെല്മെറ്റ് ധരിച്ചില്ലെന്നും സിഗ്നലില് വാഹനം നിര്ത്താതെ ഓടിച്ചുപോയെന്നും ചൂണ്ടിക്കാട്ടിയാണ് കോടതി നടപടി. ഹിമാചല് പ്രദേശിലെ കാംഗ്ര ജില്ലയിലാണ് സംഭവം.
ഡ്രൈവര് വരുണ് ഗൗതമിനെതിരെയാണ് കോടതി സമന്സ് അയച്ചത്. കാര് ഓടിക്കുമ്പോള് ഹെല്മെറ്റ് ധരിച്ചില്ലെന്നും സിഗ്നലില് വണ്ടി നിര്ത്തിയില്ലെന്നതുമാണ് കേസിനാധാരം. മെയ് ഒന്നിനാണ് കേസിനാസ്പദമായ സംഭവം. ഒക്ടോബര് 4ന് കോടതിയില് ഹാജരാകാനാണ് സമന്സില് പറയുന്നത്. മോട്ടോര് വാഹനനിയമപ്രകാരമാണ് നടപടി.
ബുധനാഴ്ച രാവിലെയാണ് വരുണ് സമന്സ് കൈപ്പറ്റിയത്. ഹെല്മെറ്റ് ധരിക്കാതെ കാര് ഓടിച്ചതിന് കോടതിയില് ഹാജരാകാന് ആവശ്യപ്പെട്ടുകൊണ്ടുള്ള സമന്സ് വായിച്ച് ഞെട്ടിയെന്ന് വരുണ് പറഞ്ഞതായി മാധ്യമങ്ങള് റിപ്പോര്ട്ട് ചെയ്യുന്നു. കേസിനാസ്പദമായ സംഭവം നടന്നുവെന്ന് പറയുന്ന ദിവസം താന് കാര് റോഡില് ഇറക്കിയില്ലെന്നാണ് വരുണിന്റെ വാദം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates