ഛത്ര: ജാ​ർ​ഖ​ണ്ഡി​ൽ കൂട്ടബലാത്സംഗത്തിനിരയായ പെ​ണ്‍​കു​ട്ടി​യെ ജീവനോടെ കത്തിച്ച സംഭവത്തിൽ 16 പേർ അറസ്റ്റിൽ. അറസ്റ്റിലായവരിൽ ​ഗ്രാമ മുഖ്യനും ഉൾപ്പെടുന്നു. അദ്ദേഹമാണ് പെൺകുട്ടിയെ കൂട്ട ബലാൽസം​ഗം ചെയ്ത പ്രതികൾക്ക് 100 സിറ്റ് അപ് ശിക്ഷ വിധിച്ച് സംഭവം ഒതുക്കിതീർക്കാൻ ശ്രമിച്ചത്.  ഛത്ര ജില്ലയിലെ രാജ കേന്ദ് വ ​ഗ്രാമത്തിലായിരുന്നു രാജ്യത്തെ ഞെട്ടിച്ച സംഭവം നടന്നത്. 

വ്യാ​ഴാ​ഴ്ച രാ​ത്രി കൂട്ടബലാത്സംഗത്തിനിരയാക്കിയ പ​തി​നാ​ലു​കാ​രി​യെ വെ​ള്ളി​യാ​ഴ്ച യുവാക്കള്‍ ജീ​വ​നോ​ടെ ക​ത്തി​ക്കു​ക​യാ​യി​രു​ന്നു. മാതാപിതാക്കളുടെ കൺമുമ്പിൽ വെച്ചായിരുന്നു ഈ ക്രൂരകൃത്യം. പെ​ണ്‍​കു​ട്ടി​യു​ടെ വീ​ട്ടു​കാ​ർ ഒ​രു വി​വാ​ഹ​ച​ട​ങ്ങി​ൽ പ​ങ്കെ​ടു​ക്കാ​ൻ പോ​യ സ​മ​യം എട്ടാം ക്ലാസ് വിദ്യാർത്ഥിയായ പെ​ണ്‍​കു​ട്ടി​യെ പ്രതികൾ വീ​ട്ടി​ൽ​നി​ന്നു ത​ട്ടി​ക്കൊ​ണ്ടു​പോ​കു​ക​യാ​യി​രു​ന്നു. മ​ദ്യ​ല​ഹ​രി​യി​ലാ​യി​രു​ന്ന സം​ഘം പെ​ണ്‍​കു​ട്ടി​യെ വി​ജ​ന​മാ​യ സ്ഥ​ല​ത്തേ​ക്കു കൊ​ണ്ടു​പോ​യി പീ​ഡി​പ്പി​ച്ചു. 

സം​ഭ​വം അ​റി​ഞ്ഞ പെ​ണ്‍​കു​ട്ടി​യു​ടെ പി​താ​വ് ഗ്രാ​മ​സ​ഭ​യി​ലും പ​ഞ്ചാ​യ​ത്ത് അം​ഗ​ങ്ങ​ളോ​ടും പ​രാ​തി​പ്പെ​ട്ടു. ​ഗ്രാമമുഖ്യൻ കുറ്റാ​രോ​പി​ത​രാ​യ യു​വാ​ക്ക​ൾ​ക്ക് 100 സി​റ്റ്-​അ​പ്പ് ശി​ക്ഷ വി​ധി​ച്ചു കാ​ര്യ​മൊ​തു​ക്കി. 50,000 രൂ​പ യു​വാ​ക്ക​ൾ പെ​ണ്‍​കു​ട്ടി​യു​ടെ കു​ടും​ബ​ത്തി​നു ന​ൽ​ക​ണ​മെ​ന്നും വി​ധി​ച്ചു. എ​ന്നാ​ൽ ശി​ക്ഷ വി​ധി​ച്ച​തി​ൽ പ്ര​കോ​പി​ത​രാ​യ യു​വാ​ക്ക​ൾ വെ​ള്ളി​യാ​ഴ്ച വീ​ട്ടി​ലെ​ത്തി മാ​താ​പി​താ​ക്ക​ളെ മ​ർ​ദി​ക്കു​ക​യും പെ​ണ്‍​കു​ട്ടി​യെ ജീ​വ​നോ​ടെ തീ ​കൊ​ളു​ത്തു​ക​യു​മാ​യി​രു​ന്നു.