ഋഷികേശ്: കേന്ദ്ര ജല്‍ശക്തി വകുപ്പ് മന്ത്രിയും ബിജെപി നേതാവുമായ ഗജേന്ദ്രസിംഗ് ശെഖാവത്തിനുമുന്നില്‍ രണ്ട് ബിജെപി നേതാക്കള്‍ തമ്മില്‍ ഏറ്റുമുട്ടി. ഉത്തരാഖണ്ഡില്‍ ഒരു ദിവസത്തെ സന്ദര്‍ശനത്തിനായി മന്ത്രി എത്തിയപ്പോഴായിരുന്നു നേതാക്കള്‍ തമ്മില്‍ ഏറ്റുമുട്ടിയത്.

ബിജെപി എംഎല്‍എ പ്രേംചന്ദ് അഗര്‍വാളും മറ്റൊരു പ്രധാനനേതാവായ ഭഗത്‌റാം കോത്താരിയും തമ്മിലായിരുന്നു വഴക്ക്. ഞാന്‍ നിങ്ങള്‍ക്കായി വേണ്ടി പ്രവര്‍ത്തിച്ചു. എന്നാല്‍ നിങ്ങളില്‍ നിന്ന് ഒന്നും ലഭിക്കുന്നില്ലെന്ന് പറഞ്ഞായിരുന്നു പരസ്പരം വഴക്കിട്ടത്. മന്ത്രി പ്രവര്‍ത്തകരെ അഭിസംബോധന ചെയ്യുന്നതിനിടെയായിരുന്നു ഇരുവരും തമ്മില്‍ ബഹളം തുടങ്ങിയത്. വഴക്കിന് മുന്നില്‍ നോക്കുകുത്തിയായി നില്‍ക്കാനെ മന്ത്രിക്ക് കഴിഞ്ഞുള്ളു. വാക്കേറ്റം അവസാനിപ്പിക്കില്ലെന്ന മനസിലാക്കിയതോടെ സംഭവസ്ഥലത്തുനിന്നും മന്ത്രി സ്ഥലം വിട്ടു. 

നമാമി പദ്ധതിയുടെ അവലോകനത്തിനായാണ് മന്ത്രി ഋഷികേശിലും ഹരിദ്വാറിലും എത്തിയത്.