പ്രാര്‍ത്ഥിക്കാര്‍ ക്ഷേത്രത്തില്‍ എത്തിയ ദളിത് സ്ത്രീയെ മൂന്ന്‌പേര്‍ ചേര്‍ന്ന് കൂട്ടബലാത്സംഗം ചെയ്തു. ഉത്തര്‍പ്രദേശിലെ സിതീപുര്‍ ജില്ലയില്‍ തിങ്കളാഴ്ചയാണ് സംഭവമുണ്ടായത്. നീംസര്‍ എന്ന് അറിയപ്പെടുന്ന ക്ഷേത്രത്തില്‍ നൈമിഷരണ്യ ധം അമ്പലത്തില്‍ ദര്‍ശനത്തിന് വന്നതായിരുന്നു 26 കാരിയായ യുവതി. സംഭവത്തില്‍ മൂന്ന് പേരെയും പൊലീസ് അറസ്റ്റ് ചെയ്തു. 

അമാവാസി ദിനത്തിലെ പ്രത്യേക പ്രാര്‍ത്ഥനക്കായി തിങ്കളാഴ്ച രാത്രി 11 മണിക്ക് അമ്പലത്തില്‍ എത്തിയതായിരുന്നു യുവതി. 19 കാരനായ അനന്തിരവനും യുവതിയുടെ കൂടെയുണ്ടായിരുന്നു. അമ്പലത്തിന് അടുത്തുവെച്ച് യുവതിയെ മൂവര്‍സംഘം തട്ടിക്കൊണ്ടുപോവുകയായിരുന്നു. യുവതിയെ രക്ഷിക്കാന്‍ ശ്രമിച്ച അനന്തിരവനെ തല്ലിച്ചതക്കുകയും ചെയ്തു. 

യുവാവ് ഉടനെ പൊലീസില്‍ അറിയിച്ചതിനെ തുടര്‍ന്ന് ഉടന്‍ പൊലീസ് എത്തി ഇവരെ അറസ്റ്റ് ചെയ്തു. രാമു(32), രമേഷുര്‍ കശ്യപ് (42), പത്രു കശ്യപ് (23) എന്നിവരാണ് അറസ്റ്റിലായത്.