ചെന്നൈ: വെള്ളാര്‍ സമുദായത്തിന്റെ അധിക്ഷേപിച്ചെന്ന് ആരോപിച്ച് നടന്‍ കമല്‍ഹാസനെതിരെ മാനനഷ്ട കേസ്. കമല്‍ഹാസന്‍ അവതരിപ്പിക്കുന്ന വിജയ് ടീവിയിലെ ബിഗ് ബോസ് പരിപാടിക്കിടെ വെള്ളാര്‍ സമുദായത്തെ അധിക്ഷേപിച്ചെന്ന് കാണിച്ചാണ് പരാതി. 

വെള്ളാര്‍ സമുദായം വളരെ പ്രാധാന്യത്തോടെ കാണുന്ന നാദസ്വരം എന്ന സംഗീത ഉപകരണത്തെ കമല്‍ഹാസന്‍ ഷോയ്ക്കിടെ അവജ്ഞയോടെ കൈകാര്യം ചെയ്‌തെന്നാണ് പരാതി. 

മറ്റ് മത്സരാര്‍ഥികള്‍ ഭക്ഷണം കഴിക്കുകയും മറ്റും ചെയ്യുന്ന മേശപ്പുറത്ത് നാദസ്വരം അലക്ഷ്യമായി വെച്ചു. ഇക്കാര്യം അറിഞ്ഞിട്ടും പരിപാടിയുടെ അവതാരകനായ കമല്‍ഹാസനോ മറ്റ് സംഘാടകരോ തടയാന്‍ ശ്രമിച്ചില്ല. ഇത് തങ്ങളുടെ സമുദായത്തെ അവഹേളിക്കുന്നതാണെന്ന് പരാതിയില്‍ പറയുന്നു. വെള്ളാര്‍ സമുദായം അധ്യക്ഷനാണ് ചെന്നൈ മെട്രോ പൊളിറ്റന്‍ കോടതിയില്‍ കമല്‍ഹാസനെതിരെ മാനനഷ്ടകേസ് ഫയല്‍ ചെയ്തിരിക്കുന്നത്.