ന്യൂഡല്ഹി: കര്ഷക പ്രതിഷേധങ്ങള് അലയടിക്കുന്നതിനിടെ പാര്ലമെന്റ് പാസാക്കിയ കാര്ഷിക ബില്ലുകളില് രാഷ്ട്രപതി ഒപ്പുവച്ചു. ഇതോടെ മൂന്ന് വിവാദ ബില്ലുകളും നിയമമായി. രാജ്യസഭയില് ചട്ടങ്ങള് ലംഘിച്ച് പാസാക്കിയതിനാല് ബില്ലുകള് തിരിച്ചയക്കണമെന്നാവശ്യപ്പെട്ട് പ്രതിപക്ഷം രാഷ്ട്രപതിക്ക് നിവേദനം നല്കിയിരുന്നു. എന്നാല് അത് പരിഗണിക്കപ്പെട്ടില്ല.
മോദി സര്ക്കാരിന്റെ സുപ്രധാന പരിഷ്കരണ നടപടിക്ക് രാഷ്ട്രപതി രാംനാഥ് കോവിന്ദ് പച്ചക്കൊടി കാണിച്ചത്. ഇനി മുതല് പ്രാദേശിക ഭരണകൂടങ്ങളുടെ നിയന്ത്രണത്തിലുള്ള വിപണികള്ക്ക് പുറത്ത് കര്ഷകര്ക്ക് യഥേഷ്ടം തങ്ങളുടെ ഉല്പ്പന്നങ്ങള് വില്ക്കാനുള്ള അവസരമാണ് തുറന്നു കിട്ടിയിരിക്കുന്നത്. കോര്പറേറ്റ് കമ്പനികള്ക്ക് കര്ഷകരുമായി കരാറുണ്ടാക്കി കൃഷി നടത്താനും നിയമം പ്രാബല്യത്തിലായതോടെ അവസരമൊരുങ്ങി.
പാര്ലമെന്റ് പാസാക്കിയ കാര്ഷിക ബില്ലുകള് കര്ഷകരെ സ്വയംപര്യാപ്തരാക്കുമെന്ന് പ്രധാനമന്ത്രി നരേന്ദ്ര മോദി. മന് കി ബാത്തില് സംസാരിക്കുമ്പോഴാണ് അദ്ദേഹം ഇക്കാര്യം പറഞ്ഞത്. ആഗ്രഹിക്കുന്ന തുകയ്ക്ക്
കര്ഷകര്ക്ക് എവിടെ വേണമെങ്കിലും ഉല്പന്നങ്ങള് വില്ക്കാന് അവസരം നല്കുന്നതാണ് പുതിയ നിയമങ്ങള്. ഇടനിലക്കാരെ ഇല്ലാതാക്കിയതോടെ ഉയര്ന്ന വില നേടാന് കര്ഷകര്ക്കാകും. ഇത് കര്ഷകരെ ബന്ധനങ്ങളില് നിന്ന് മോചിതരാക്കും. ആത്മനിര്ഭര് ഭാരതെന്ന സ്വപ്നത്തിന്റെ നട്ടെല്ലാണ് കര്ഷകരെന്നും പ്രധാനമന്ത്രി വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates