ന്യൂഡല്ഹി: ദേശീയ പൗരത്വ നിയമത്തിന് എതിരെ രാജ്യതലസ്ഥാനത്ത് പ്രതിഷേധം. ജാമിയ മില്ലിയ ഇസ്ലാമിയ യൂണിവേഴ്സിറ്റി വിദ്യാര്ത്ഥികളും പൊലീസും തെരുവില് ഏറ്റുമുട്ടി. വിദ്യാര്ത്ഥികളുടെ പാര്ലമെന്റ് മാര്ച്ച് പൊലീസ് തടഞ്ഞതാണ് സംഘര്ഷത്തിനിടയാക്കിയത്.
വിദ്യാര്ത്ഥികള്ക്ക് നേരെ പൊലീസ് ലാത്തി ചാര്ജും ടിയര് ഗ്യാസും പ്രയോഗിച്ചു. വിദ്യാര്ത്ഥികള് പൊലീസിന് നേരെ കല്ലെറിഞ്ഞു.
അസമിലും മറ്റ് വടക്കുകിഴക്കന് സംസ്ഥാനങ്ങളിലും നടക്കുന്ന പ്രക്ഷോഭത്തിന് സമാനമായ അവസ്ഥയാണ് രാജ്യ തലസ്ഥാനത്തും. യൂണിവേഴ്സിറ്റി ക്യാമ്പസില് നിന്നാണ് വിദ്യാര്ത്ഥികള് മാര്ച്ച് ആരംഭിച്ചത്. എന്നാല് യൂണിവേഴ്സിറ്റി വാതിലിന് മുന്നില് പൊലീസ് മാര്ച്ച് തടഞ്ഞു. തുടര്ന്നാണ് തെരുവില് പൊലീസും വിദ്യാര്ത്ഥികളും ഏറ്റുമുട്ടുന്നത്. ക്യാമ്പസിനകത്ത് കയറിയ പൊലീസ്, വിദ്യാര്ത്ഥികളെ ഒഴിപ്പിക്കാനാണ് ശ്രമിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates