അഗര്‍ത്തല: ബിഎസ്എഫ് ജവാന്‍ മൂന്ന് സഹപ്രവര്‍ത്തകരെ തന്റെ സര്‍വീസ് റിവോള്‍വര്‍ ഉപയോഗിച്ച് വെടിവെച്ചു കൊന്നു. സംഭവത്തിന് പിന്നാലെ ജവാന്‍ ആത്മഹത്യ ചെയ്തതായി ത്രിപുര പൊലീസ് അറിയിച്ചു. ഉനാക്കോട്ടിയിലെ മഗുരുലി അതിര്‍ത്തിയിലെ ഔട്ട് പോസ്റ്റിലാണ് സംഭവം.
ശിശുപാല്‍ എന്ന ബിഎസ്എഫ് ജവാനാണ് സഹപ്രവര്‍ത്തകരെ വെടിവച്ചുകൊന്ന ശേഷം ആത്മഹത്യ ചെയ്തത്. ഡ്യൂട്ടി കഴിഞ്ഞ ശേഷം സര്‍വീസ് റിവോള്‍ര്‍ തിരിച്ചേല്‍പ്പിക്കാന്‍ ഓഫീസിലെത്തിയ ശിശുപാല്‍ സഹപ്രവര്‍ത്തകര്‍ക്ക് നേരെ നിറയൊഴിക്കുകയായിരുന്നു. വെടിവെക്കാന്‍ ഇടയാക്കിയ പ്രകോപനം എന്താണെന്ന് അന്വേഷിക്കുകയാണെന്ന് പൊലീസ് പറഞ്ഞു.
അഗര്‍ത്തലയ്ക്ക് 185 കിലോമീറ്റര്‍ അകലെയാണ് സംഭവം നടന്ന ഔട്ട് പോസ്റ്റ്. റിങ്കുകുമാര്‍, രാകേഷ് കുമാര്‍ ജാദവ്, ബിജോയ് കുമാര്‍ എന്നിവരാണ് ആക്രമണത്തില്‍ മരിച്ചത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates