ഹൈദരബാദ്: മലപ്പുറം ജില്ലയില്‍  വ്യാപകമായ മതം മാറ്റം നടക്കുകയാണെന്ന് ആരോപണവുമായി കേന്ദ്ര ആഭ്യന്തര സഹമന്ത്രി ഹന്‍സ്‌രാജ് അഹീര്‍. അന്വേഷിച്ച് റിപ്പോര്‍ട്ട് നല്‍കാന്‍ സംസ്ഥാന സര്‍ക്കാരിനോട് ആവശ്യപ്പെട്ടെങ്കിലും ഫലമുണ്ടായില്ലെന്നാണ് മന്ത്രി പറയുന്നത്. മാസം ആയിരം പേരെ വീതം മാറ്റുന്നതായും മന്ത്രി പറയുന്നു. 

ഹിന്ദുക്കളെയും ക്രിസ്ത്യാനികളെയും മുസ്ലീമാക്കുകയാണെന്ന് റിപ്പോര്‍ട്ടുണ്ട്. മലപ്പുറം ജില്ലയില്‍ നടക്കുന്ന മതപരിവര്‍ത്തനത്തെക്കുറിച്ച് വിവിധഘട്ടങ്ങളില്‍ റിപ്പോര്‍ട്ട് തേടിയെങ്കിലും കേരളസര്‍ക്കാര്‍ ഇതുവരെ റിപ്പോര്‍ട്ട് സമര്‍പ്പിച്ചില്ലെന്നും കേന്ദ്രമന്ത്രി ആരോപിച്ചു. ഹദിയ കേസുമായി ബന്ധപ്പെട്ട ചോദ്യത്തിന് മറുപടി പറയവെയാണ് മന്ത്രിയുടെ വിവാദ പ്രസ്താവന.
കേരളത്തില്‍ മതപരിവര്‍ത്തനം നടത്തുന്ന വവലിയൊരു കേന്ദ്രമുണ്ട്. മലപ്പുറം ജില്ലയിലാണത്. അവിടെയാണ് മതപരിവര്‍ത്തനങ്ങള്‍ നടത്തപ്പെടുന്നത്. ഒരു മാസം 1000 പേരെയാണ് മതം മാറ്റുന്നത്. ഹിന്ദുക്കളെയും ക്രിസ്ത്യാനികളെയും മുസ്ലീമാക്കുന്നതായി റിപ്പോര്‍ട്ടുണ്ട്.  

താന്‍ മെയില്‍ കേരളത്തില്‍ പോയി പൊലീസ് മേധാവിയെയും ചീഫ് സെക്രട്ടറിയേയും കണ്ടിരുന്നതായും കേന്ദ്രമന്ത്രി പറഞ്ഞു. ഈ കേന്ദ്രത്തില്‍ ഒരു മാസം ആയിരം പേരെ മതം മാറ്റുകയാണെന്ന് കാര്യം അവരോട് പറഞ്ഞു. എന്തടിസ്ഥാനത്തിലാണത്. അവര്‍ ദാരിദ്ര്യം മുതലെടുക്കുകയാണോ? താക്കീത് നല്‍കുകയും തൊഴില്‍ നല്‍കുന്നതിനെക്കുറിച്ചും പറയുകയും ചെയ്യുന്നുണ്ടോ? അവരെന്താണ് ചെയ്യുന്നതെന്ന് കണ്ടുപിടിക്കൂ. സംഭവം പുറത്തു വരുന്നെന്ന് താന്‍ പറഞ്ഞതായും മന്ത്രി വ്യക്തമാക്കി.

ഞാന്‍ ആവശ്യപ്പെട്ട അന്വേഷണത്തിന്റെ റിപ്പോര്‍ട്ട് കേരള സര്‍ക്കാര്‍ ഇതുവരെ നല്‍കിയിട്ടില്ല. ഇപ്പോള്‍ എന്‍ഐഎയെ അന്വേഷണം ഏല്‍പിച്ചിരിക്കുകയാണ്. എന്തുണ്ടായാലും അന്വേഷണത്തിലൂടെ പുറത്ത് വരും. ഹദിയ കേസ് സുപ്രീം കോടതിയുടെ പരിഗണനയില്‍ ഇരിക്കുന്നതിനാല്‍ പ്രതികരിക്കാനില്ലെന്നും ഗംഗാറാം വ്യക്തമാക്കി.