ഭുവനേശ്വര്‍ : മുന്‍ കേന്ദ്രമന്ത്രി അര്‍ജുന്‍ ചരണ്‍ സേത്തി അന്തരിച്ചു. 79 വയസ്സായിരുന്നു. ദീര്‍ഘകാലമായി അസുഖബാധിതനായിരുന്നു. രോഗം മൂര്‍ച്ഛിച്ചതിനെ തുടര്‍ന്ന് ഞായറാഴ്ച രാത്രിയാണ് സേത്തിയെ സ്വകാര്യ ആശുപത്രിയില്‍ പ്രവേശിപ്പിച്ചത്.

ഭദ്രക് ലോക്‌സഭാ മണ്ഡലത്തില്‍ നിന്നും എട്ടുതവണ ലോക്‌സഭയിലേക്ക് വിജയിച്ചിട്ടുണ്ട്. 2000-2004 കാലയളവില്‍ എ ബി വാജ്‌പേയ് മന്ത്രിസഭയില്‍ ജലവിഭവ വകുപ്പ് മന്ത്രിയായിരുന്നിട്ടുണ്ട്.

ചെറുപ്പത്തിലേ സജീവരാഷ്ട്രീയത്തിലെത്തിയ അര്‍ജുന്‍ ചരണ്‍ സേത്തി രണ്ടുതവണ ഒഡീഷ നിയമസഭയിലേക്കും തെരഞ്ഞെടുക്കപ്പെട്ടിട്ടുണ്ട്. സേത്തിയുടെ നിര്യാണത്തില്‍ ഒഡീഷ മുഖ്യമന്ത്രി നവീന്‍ പട്‌നായിക് അനുശോചിച്ചു.