മീററ്റ്: ഭാര്യ കഴിക്കാന്‍ തരുന്നത് ലഡു മാത്രമെന്ന് ആരോപിച്ച്, വിവാഹ മോചനം തേടി ഭര്‍ത്താവ് കുടുംബ കോടതിയില്‍. സിദ്ധന്റെ ഉപദേശപ്രകാരം ലഡു മാത്രമാണ് തനിക്കു കഴിക്കാന്‍ തരുന്നത് എന്നാണ് ഭര്‍ത്താവ് പറയുന്നത്. 

ഉത്തര്‍പ്രദേശിലെ മീററ്റ് സ്വദേശിയായ യുവതിയാണ് സിദ്ധന്റെ ഉപദേശപ്രകാരം രോഗശാന്തിക്കായി ഭര്‍ത്താവിന് രണ്ടുനേരം നാലു ലഡുവീതം തിന്നാന്‍ കൊടുത്തത്. കഴിക്കാന്‍ മറ്റൊന്നും നല്‍കുകയോ ഇടയ്ക്ക് വേറെന്തെങ്കിലും കഴിക്കാന്‍ അനുവദിക്കുകയോ ചെയ്യുന്നില്ലെന്നും ഭര്‍ത്താവ് പറയുന്നു.

ഇരുവരെയും കൗണ്‍സലിങ്ങിനു വിളിച്ചിരിക്കുകയാണ് കോടതി. ലഡു ഭര്‍ത്താവിന്റെ രോഗംമാറ്റുമെന്ന ഉറച്ചവിശ്വാസത്തിലാണ് അവരെന്നും എന്തുപറഞ്ഞിട്ടും കേള്‍ക്കുന്നില്ലെന്നും കൗണ്‍സലര്‍ പറഞ്ഞു. അവരെ കാര്യം പറഞ്ഞു ബോധ്യപ്പെടുത്താനാവുമോയെന്ന് ഉറപ്പില്ലെന്നും കൗണ്‍സിലര്‍ പറഞ്ഞു.

പത്തുവര്‍ഷം മുമ്പ് വിവാഹിതരായ ദമ്പതിമാര്‍ക്ക് മൂന്ന് കുട്ടികളുണ്ട്.