ന്യൂഡല്‍ഹി : കോണ്‍ഗ്രസിന് മറുപടി നല്‍കാനായി പ്രധാനമന്ത്രിയുടെ ഓഫീസ് കുറിച്ച ട്വീറ്റ് സെല്‍ഫ് ഗോളായി. 356-ാം വകുപ്പ് കോണ്‍ഗ്രസ് പലതവണ ദുരുപയോഗം ചെയ്തു. പക്ഷെ മോദി സ്ഥാപനങ്ങളെ നശിപ്പിക്കുന്നു എന്നായിരുന്നു ട്വീറ്റില്‍ കുറിച്ചത്. 

ഈ ട്വീറ്റ് ഇട്ടതിന് പിന്നാലെ സോഷ്യല്‍ മീഡിയയില്‍ വൈറലായി. ഇതിന് മറുപടിയായി നിരവധി കമന്റുകളാണ് ട്വീറ്റില്‍ നിറഞ്ഞത്.

ഒടുവില്‍ മോദി സത്യം പറഞ്ഞിരിക്കുന്നു എന്നായിരുന്നു ബഹുഭൂരിപക്ഷം കമന്റുകളും രേഖപ്പെടുത്തിയിട്ടുള്ളത്. അഞ്ചുവര്‍ഷത്തിനിടെ സത്യം പറയാന്‍ ധൈര്യം കാണിച്ച മോദിക്ക് അനുമോദനങ്ങളെന്നും ചിലര്‍ കുറിച്ചു.