ലഖ്‌നൗ: ഉത്തര്‍പ്രദേശില്‍ ബലാത്സംഗത്തിന് ഇരയായ ആറുവയസ്സുകാരി അതീവ ഗുരുതരാവസ്ഥയില്‍. ഹാപൂര്‍ ജില്ലയില്‍ നടന്ന സംഭവത്തിലെ പ്രതിയുടെ രേഖാചിത്രം പൊലീസ് പുറത്തുവിട്ടു. ദൃക്‌സാക്ഷികളുടെ സഹായത്തോടെയാണ് രേഖാചിത്രം തയ്യാറാക്കിയതെന്ന് പൊലീസ് വ്യക്തമാക്കി. മൂന്ന് രേഖാചിത്രങ്ങളാണ് പുറത്തുവിട്ടിരിക്കുന്നത്.

വ്യാഴാഴ്ചയാണ് വീടിന് പുറത്തുകളിച്ചുകൊണ്ടിരുന്ന ആറുവയസ്സുകാരിയെ ബൈക്കിലെത്തിയ പ്രതി ബലമായി പിടിച്ചുകൊണ്ടുപോയത്. പിന്നാലെ കുട്ടിയെ അബോധാവസ്ഥയില്‍ കൃഷിയിടത്തില്‍ കണ്ടെത്തുകയായിരുന്നു. 

മീററ്റിലെ ആശുപത്രിയില്‍ ചികിത്സയിലുള്ള കുട്ടിയുടെ നില അതീവ ഗുരുതരാവസ്ഥയിലാണെന്ന് അധികൃതര്‍ അറിയിച്ചു. കുട്ടിയുടെ ദേഹമാസകലം മുറിവുകളാണ്. 

അഞ്ച് സംഘങ്ങളായി തിരിഞ്ഞാണ് അന്വേഷണം നടത്തുന്നതെന്ന് എസ്പി വ്യക്തമാക്കി. പ്രദേശത്തെ സിസിടി ദൃശ്യങ്ങളും പരിശോധിച്ച് വരികയാണ്.