ലഖ്‌നോ: ഉത്തര്‍പ്രദേശില്‍ ജാതിയും സാമ്പത്തിക സ്ഥിതിയും അനുസരിച്ച് ജനങ്ങളുടെ കണക്ക് എടുക്കാന്‍ യോഗി ആദിത്യനാഥ് സര്‍ക്കാരിന്റെ തീരുമാനം. സാമൂഹ്യ സുരക്ഷ പദ്ധതികള്‍ പുനസംവിധാനം ചെയ്യുന്നതിനാണ് കണക്കെടുപ്പെന്ന് സര്‍ക്കാര്‍ പറയുന്നു.

ബുധനാഴ്ച ചേര്‍ന്ന മന്ത്രിസഭാ യോഗമാണ് ഇത്തരത്തിലുള്ള കണക്കെടുപ്പിന് അംഗീകാരം നല്‍കിയത്. കണക്കെടുപ്പ് എത്രയും വേഗത്തില്‍ പൂര്‍ത്തികരിക്കുമെന്നും ഇതിന്റെ ഭാഗമായി യഥാര്‍ത്ഥ അവകാശികള്‍ക്ക് തന്നെസര്‍ക്കാര്‍ പദ്ധതികളുടെ നേട്ടം അനുഭവിക്കാനാകുമെന്ന് ആരോഗ്യമന്ത്രി സിദ്ധാര്‍ത്ഥ് നാഥ് പറഞ്ഞു

സര്‍ക്കാരിന്റെ നീക്കത്തിനെതിരെ പ്രതിപക്ഷവും  രംഗത്ത് എത്തിയിട്ടുണ്ട്. ഏത് രീതിയിലാണ് ജാതി തിരിച്ച കണക്കെടുക്കുകയെന്നത് സര്‍ക്കാര്‍ തന്നെ വ്യക്തമാക്കണമെന്ന് സമാജ് വാദി പാര്‍ട്ടി ആവശ്യപ്പെട്ടു.