ഹരിദ്വാര്‍: അന്തരിച്ച വിഎച്ച്പി നേതാവ് അശോക് സിംഗാളിന് രാജ്യത്തെ പരമോന്നത പുരസ്‌കാരമായ ഭാരതരത്‌ന നല്‍കണമെന്ന ആവശ്യവുമായി സന്യാസിമാരുടെ കൂട്ടായ്മയായ അഖില ഭാരതീയ അഖാഡ പരിഷത്ത്. സംഘടനാ അധ്യക്ഷന്‍ നരേന്ദ്ര ഗിരി രാജിന്റെ നേതൃത്വത്തില്‍ ചേര്‍ന്ന യോഗമാണ് ഈ ആവശ്യമുന്നയിച്ച് പ്രമേയം അവതരിപ്പിച്ചിരിക്കുന്നത്. 

അയോധ്യയിലെ രാമ ജന്മഭൂമി പ്രസ്ഥാനത്തിന് വേണ്ടിയുള്ള പ്രവര്‍ത്തനങ്ങള്‍ മാനിച്ച് അശോക് സിംഗാളിന് ഭാരതരത്‌ന നല്‍കണമെന്നാണ് ഇവര്‍ ആവശ്യപ്പെട്ടിരിക്കുന്നത്. അയോധ്യയില്‍ രാമക്ഷേത്രം ഉയരുമ്പോള്‍ അശോക് സിംഗാളിന് ഭാരതരത്‌ന നല്‍കുന്നത് ഉചിതമായിരിക്കും എന്നും ഇവര്‍ പറയുന്നു.