ന്യൂഡല്ഹി: ഇന്ത്യന് ക്രിക്കറ്റ് കണ്ട്രോള് ബോര്ഡിന്റെ ഇടക്കാല ഭരണസമിതിയില് നിന്ന് ചരിത്രകാരന് രാമചന്ദ്ര ഗുഹ രാജിവെച്ചു. വ്യക്തിപരമായ കാരണങ്ങളാലാണ് രാജിയെന്ന് രാമചന്ദ്ര ഗുഹ സുപ്രീംകോടതിയെ അറിയിച്ചു. ചുമതലകളില് നിന്ന് ഒഴിവാക്കണമെന്നും കോടതിയില് നല്കിയ അപേക്ഷയില് രാമചന്ദ്ര ഗുഹ ആവശ്യപ്പെട്ടു. അപേക്ഷ ജൂലൈ 14ന് കോടതി പരിഗണിക്കും.
ക്രിക്കറ്റ് കണ്ട്രോള് ബോര്ഡിന്റെ ദൈനംദിന പ്രവര്ത്തനങ്ങള് നിരീക്ഷിക്കുന്നതിനും ലോധ പാനല് നിര്ദേശങ്ങള് നടപ്പിലാക്കുന്നതിനുമായി സുപ്രീംകോടതി നിയമിച്ച നാലംഗ സമിതിയിലെ അംഗമാണ് രാമചന്ദ്ര ഗുഹ. മുന് സിഎജി വിനോദ് റായ് ചെയര്മാനായുള്ള സമിതിയില് ഗുഹയെ കൂടാതെ സാമ്പത്തിക വിദഗ്ധന് വിക്രം ലിമെയ്, ഇന്ത്യന് വനിതാ ക്രിക്കറ്റ് ടീം മുന് ക്യാപ്റ്റന് ദിയാന എഡുല്ജി എന്നിവരാണ് അംഗങ്ങള്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates