ന്യൂഡല്‍ഹി: പൗരത്വ നിയമഭേദഗതിക്ക് എതിരായ വിദ്യാര്‍ത്ഥി പ്രതിഷേധത്തില്‍ പൊലീസ് അതിക്രമം നടന്ന ജാമിയ മിലിയ ഇസ്ലാമിയ ആറാം തീയതി തുറക്കും. മാറ്റിവച്ച പരീക്ഷകള്‍ ഒമ്പതാം തീയതി മുതല്‍ ആരംഭിക്കുമെന്ന് അധികൃതര്‍ വ്യക്തമാക്കി. ഡിഗ്രി വിഭാഗങ്ങളുടെ പരീക്ഷകള്‍ ജനുവരി പതിനാറിനും ആരംഭിക്കും.
പൗരത്വ നിയമഭേദഗതിക്ക് എതിരായ വിദ്യാര്‍ത്ഥി പ്രക്ഷോഭത്തിന് നേരെ പൊലീസ് ലാത്തിചര്‍ജ് നടന്നതിന് പിന്നാലെ ക്രിസ്മസ് അവധി നേരത്തെയാക്കി ക്യാമ്പസ് അടച്ചിരുന്നു. ഡിസംബര്‍ 13നായിരുന്നു സര്‍വകലാശാലയില്‍ പൊലീസ് ലാത്തിചാര്‍ജ് നടത്തിയത്. ക്യാമ്പസിനുള്ളില്‍ കടന്ന പൊലീസ് വിദ്യാര്‍ത്ഥികള്‍ക്ക് നേരെ ക്രൂര മര്‍ദനം അഴിച്ചുവിടുകയായിരുന്നു. പൗരത്വ നിയമത്തിന് എതിരെ ഡല്‍ഹിയില്‍ ഇപ്പോഴും ജാമിയ മിലിയയിലെ വിദ്യാര്‍ത്ഥികള്‍ പ്രതിഷേധത്തിലാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates