മുംബൈ: ലോക്കല്‍ ട്രയിനില്‍ അപകടകരമായ വിധത്തില്‍ അഭ്യാസ പ്രകടനം നടത്തിയ രണ്ട യുവാക്കളെ പൊലീസ് അറസ്റ്റുചെയ്തു. വ്യാഴാഴ്ച രാവിലെയായിരുന്നു ഓടുന്ന തീവണ്ടിക്കകത്ത് യുവാക്കളുടെ അഭ്യാസ പ്രകടനം. ഇത് കണ്ടുനില്‍ക്കാനാവാത്ത യാത്രക്കാര്‍ വിവരം പൊലീസിനെ അറിയിക്കുകയായിരുന്നു. കൂടാതെ ഇവരുടെ അഭ്യാസ പ്രകടനത്തിന്റെ ദൃശ്യങ്ങളും സമൂഹമാധ്യമങ്ങളില്‍ വൈറലായിരുന്നു.

മുഹമ്മദ് മൊമിന്‍ മുസ്തഫ, സമീര്‍ അഹമ്മദ് ആലിബ് അലി എന്നിവരാണ് അറസ്റ്റിലായത്. ഓടുന്ന തീവണ്ടിയിലെ വാതിലിന് സമീപത്തെ കമ്പിയില്‍ അപകടകരമായി വിധത്തില്‍ യുവാക്കള്‍ തൂങ്ങിയാടുകയായിരുന്നെന്ന് പൊലീസ് പറുന്നു. വ്യാഴാഴ്ച രാവിലെ 8.28 ന് പ്രതികള്‍ കുര്‍ല റെയില്‍വേ സ്‌റ്റേഷനില്‍ നിന്ന് ഒരു ലോക്കല്‍ ട്രെയിനില്‍ കയറുന്നത്. യാത്ര തുടങ്ങയിപ്പോള്‍ പുറത്തുനിന്നുള്ള വസ്തുക്കളെ തൊടാനുളള ശ്രമിക്കുകയായിരുന്നെന്നും പൊലീസ് പറയുന്നു

യാത്രക്കാരിലൊരാളാണ് ഈ വീഡിയോ പകര്‍ത്തി പൊലീസിനെ അറിയിച്ചത്. ട്രയിനിന്റെ പേരും കമ്പാര്‍ട്ടുമെന്റ് ഉള്‍പ്പടെയുള്ള വിശദവിവരങ്ങളും പൊലീസിനെ അറിയിച്ചിരുന്നു