ന്യൂഡല്‍ഹി : കോണ്‍ഗ്രസ് നേതാവും പഞ്ചാബ് മന്ത്രിയുമായ നവജ്യോത് സിംഗ് സിധുവിന് തെരഞ്ഞെടുപ്പ് കമ്മീഷന്റെ നോട്ടീസ്. തെരഞ്ഞെടുപ്പ് പ്രചാരണത്തിനിടെ വര്‍ഗീയ പരാമര്‍ശം നടത്തിയതിനാണ് കാരണ കാണിക്കല്‍ നോട്ടീസ്. മുസ്സിം വോട്ടുകള്‍ ഭിന്നിപ്പിച്ച് ബിജെപി ജയിക്കാന്‍ ഇട വരുത്തരുതെന്നായിരുന്നു സിധുവിന്റെ പ്രസംഗം.
തെരഞ്ഞെടുപ്പില്‍ ബിജെപിയെയും നരേന്ദ്രമോദിയെയും തോല്‍പ്പിക്കണം. ഇതിനായി മുസ്ലിങ്ങള്‍ കൂട്ടത്തോടെ പോയി ബിജെപിക്ക് വോട്ടു ചെയ്യണമെന്നും സിധു ആവശ്യപ്പെട്ടു. ബിഹാറിലെ കാതിഹാറില്‍ തെരഞ്ഞെടുപ്പ് റാലിയില്‍ പ്രസംഗിക്കുമ്പോഴായിരുന്നു സിധുവിന്റെ ആഹ്വാനം.
സിധുവിന്റെ പ്രസംഗത്തില്‍ തെരഞ്ഞെടുപ്പ് കമ്മീഷന്‍ സംസ്ഥാന ഇലക്ടറല്‍ ഓഫീസറോട് റിപ്പോര്‍ട്ട് തേടിയിരുന്നു. ഇതിന് പിന്നാലെയാണ് കാരണം കാണിക്കല്‍ നോട്ടീസ് അയക്കാന്‍ തീരുമാനിച്ചത്. 24 മണിക്കൂറിനകം വിശദീകരണം നല്‍കാനാണ് തെരഞ്ഞെടുപ്പ് കമ്മീഷന്‍ ആവശ്യപ്പെട്ടിട്ടുള്ളത്. ഈ പ്രസംഗത്തിന്റെ പേരില്‍ പൊലീസ് നവജ്യോത് സിംഗ് സിധുവിനെതിരെ കേസെടുത്തിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates