ഹൈദരബാദ്: ആന്ധ്രാപ്രദേശില്‍ അറുപത് വയസ്സുകാരിയെ കൂട്ടബലാത്സംഗം ചെയ്തു കൊന്നു. ഈസ്റ്റ് ഗോദാവരിയിലെ വീട്ടിലാണ്  മധ്യവയസ്‌കയുടെ മൃതദേഹം കണ്ടെടുത്തത്. മൂന്ന് പേരെ പൊലീസ് കസ്റ്റഡിയിലെടുത്തു.

വീടാകെ മുളക് പൊടി വിതറിയിരുന്നതായി എസ്പി നയീം അസ്മി പറഞ്ഞു. ഇന്നലെ രാത്രിയിലാണ് വീട്ടമ്മ കൂട്ടബലാത്സംഗത്തിന് ശേഷം ക്രൂരമായി കൊല്ലപ്പെട്ടത്. കൊലപാതകവുമായി ബന്ധപ്പെട്ട മുഴുവന്‍ വിവരങ്ങളും ലഭിച്ചതായും നയീം പറഞ്ഞു.

രാജ്യത്ത് സ്ത്രീകള്‍ ബലാത്സംഗം ചെയ്യപ്പെടുന്നതിന്റ നിരവധി വാര്‍ത്തകളാണ് പുറത്തുവന്നുകൊണ്ടിരിക്കുന്നത്. യുപിയില്‍ 70 കാരിയും ഒഡീഷയില്‍ പ്രായപൂര്‍ത്തിയാകാത്ത പെണ്‍കുട്ടിയും പീഡിപ്പിക്കപ്പെട്ട സംഭവങ്ങളില്‍ രാജ്യത്ത് പ്രതിഷേധം കനക്കുകയാണ്. കഴിഞ്ഞ ബുധനാഴ്ചയാണ് തെലങ്കാനയില്‍ 26 കാരിയായ ഡോക്ടര്‍ കൂട്ടബലാത്സംഗത്തിന് ശേഷം ക്രൂരമായി കൊല്ലപ്പെട്ടത്. 10 വയസ്സില്‍ താഴെയുള്ള കുട്ടികളും ലൈംഗികപീഡനത്തിന് ഇരയായി കൊല്ലപ്പെടുന്ന വാര്‍ത്തകളാണ മാധ്യമങ്ങളില്‍ നിറയുന്നത്‌