ജുനഗഡ്: ഗുജറാത്തില്‍ വോട്ടു ചെയ്യാനെത്തിയ ബിജെപി നേതാവിനെ പട്ടേല്‍ സമുദായക്കാര്‍ കൂവിവിളിച്ചു. ജുനഗഡിലെ ബൂത്തില്‍ വോട്ടുചെയ്യാനെത്തിയ ബിജെപി നേതാവ് രേഷ്മ പട്ടേലിനെയാണ് പട്ടീദാര്‍ സമുദായ പ്രവര്‍ത്തകര്‍ കൂവിവിളിച്ചത്.

പട്ടീദാര്‍ നേതാവ് ഹര്‍ദിക് പട്ടേലിന്റെ അടുത്ത അനുയായിയായി അറിയപ്പെട്ടിരുന്ന രേഷ്മ തെരഞ്ഞെടുപ്പിനു തൊട്ടുമുമ്പാണ് ബിജെപിയില്‍ ചേര്‍ന്നത്. ഇതിലുള്ള രോഷമാണ് പട്ടീദാര്‍ പ്രവര്‍ത്തകര്‍ പ്രകടിപ്പിച്ചത്. ഇവര്‍ വോട്ടുചെയ്യാനെത്തിയപ്പോള്‍ മുദ്രാവാക്യം വിളിച്ചും കൂവിവിളിച്ചുമാണ് പ്രവര്‍ത്തകര്‍ എതിരേറ്റത്. 

എന്നാല്‍ പട്ടീദാര്‍  പ്രവര്‍ത്തകരുടെ 'സ്വീകരണത്തെ' അതേ നാണയത്തില്‍ സ്വീകരിച്ച രേഷ്മ അവിടെ നിന്നു ഭാരത് മാതാകി എന്നു മുദ്രാവാക്യം വിളിക്കുകയായിരുന്നു.