മൗണ്ട് മൗന്‍ഗനൂയി: ന്യൂസിലന്‍ഡിനെതിരായ നാല്, അഞ്ച് ഏകദിന പോരാട്ടങ്ങളില്‍ ഇന്ത്യയെ ടി20 നായകന്‍ ശ്രേയസ് അയ്യര്‍ നയിക്കും. ടെസ്റ്റ് പോരാട്ടങ്ങളുടെ തയ്യാറെടുപ്പിന്റെ ഭാഗമായി ക്യാപ്റ്റന്‍ ശുഭ്മാന്‍ ഗില്‍ ഏകദിന ടീമില്‍ നിന്നു ഒഴിവായതോടെയാണ് ശ്രേയസ് ക്യാപ്റ്റനാകുന്നത്. പരമ്പരയിലെ നാലാം പോരാട്ടം 13ന് വെള്ളിയാഴ്ച അരങ്ങേറും.
അഞ്ച് മത്സരങ്ങളടങ്ങിയ പരമ്പരയില്‍ ഇന്ത്യ 2-0ത്തിന് മുന്നിലാണ്. മൂന്നാം പോരാട്ടം കനത്ത മഴയെ തുടര്‍ന്നു ഉപേക്ഷിച്ചതോടെ ഇന്ത്യ പരമ്പര കൈവിടില്ലെന്നു ഉറപ്പായിട്ടുണ്ട്. എന്നാല്‍ അവസാന രണ്ട് പോരാട്ടങ്ങളും ഇന്ത്യ നിര്‍ണായകമായി തന്നെയാണ് കാണുന്നത്. ടി20 പരമ്പര നേട്ടത്തിനൊപ്പം ഏകദിന പരമ്പരയും ഇന്ത്യ ലക്ഷ്യം വയ്ക്കുന്നു. ട്രോഫി പങ്കിടാന്‍ ഇഷ്ടപ്പെടുന്നില്ലെന്നു സാരം.
ഗില്ലിനൊപ്പം ടീമില്‍ നിന്നു കെഎല്‍ രാഹുലും പേസര്‍ അന്‍ഷുല്‍ കാംബോജും ഒഴിവായിട്ടുണ്ട്. ഇഷാന്‍ കിഷനാണ് അവസാന രണ്ട് ഏകദിനങ്ങളില്‍ ശ്രേയസിന്റെ ഡെപ്യൂട്ടി. താരമായിരിക്കും ഗില്ലിനു പകരം രോഹിതിനൊപ്പം ഓപ്പണ്‍ ചെയ്യാനും സാധ്യത. കെഎല്‍ രാഹുലിന് പകരം ഋതുരാജ് ഗെയ്ക്‌വാദ് ആയിരിക്കും അഞ്ചാം സ്ഥാനത്ത് ബാറ്റിങിന് എത്തുക.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
