റാവല്‍പിണ്ടി: അരങ്ങേറ്റ ടെസ്റ്റ് അവിസ്മരണീയമാക്കി പാകിസ്ഥാന്‍ പേസര്‍ സാഖിബ് ഖാന്‍. 31ാം വയസില്‍ ടെസ്റ്റ് ടീമില്‍ ആദ്യമായി കളിക്കാനിറങ്ങിയ താരം ശ്രീലങ്കക്കെതിരായ ഒന്നാം ക്രിക്കറ്റ് ടെസ്റ്റില്‍ വീഴ്ത്തിയത് 7 വിക്കറ്റുകള്‍. 34 ഓവറില്‍ 130 റണ്‍സ് വഴങ്ങിയാണ് താരം 7 വിക്കറ്റുകള്‍ വീഴ്ത്തിയത്. ഇതോടെ താരം ഒരു അപൂര്‍വ നേട്ടവും സ്വന്തമാക്കി.
അരങ്ങേറ്റ ടെസ്റ്റിന്റെ ഒരിന്നിങ്‌സില്‍ 7 വിക്കറ്റുകള്‍ വീഴ്ത്തുന്ന രണ്ടാമത്തെ പാകിസ്ഥാന്‍ താരമായി സാഖിബ് മാറി. 1996ല്‍ ഇതേ റാവല്‍പിണ്ടി പിച്ചില്‍ തന്നെ ന്യൂസിലന്‍ഡിനെതിരെ അരങ്ങേറ്റ ടെസ്റ്റ് കളിക്കാനിറങ്ങിയ മുഹമ്മദ് സാഹിദാണ് നേരത്തെ ഈ നേട്ടം ആദ്യ പാക് താരം. 21ാം നൂറ്റാണ്ടില്‍ ഈ നേട്ടം സ്വന്തമാക്കിയ ആദ്യ പാകിസ്ഥാന്‍ താരമായി സാഖിബ് ഖാന്‍ മാറി.
2024-25 സീസണിലാണ് സാഖിബ് ഖാന്‍ ആഭ്യന്തര ക്രിക്കറ്റില്‍ അരങ്ങേറിയത്. 29ാം വയസിലാണ് താരം ആഭ്യന്തര ക്രിക്കറ്റില്‍ കളിക്കാനിറങ്ങിയത്. അരങ്ങേറ്റ സീസണില്‍ തന്നെ താരം 16 കളിയില്‍ നിന്നു 71 വിക്കറ്റുകള്‍ വീഴ്ത്തി വരവറിയിച്ചു.
ഈ സീസണിലെ ആഭ്യന്തര പോരാട്ടങ്ങളിലും തിളങ്ങിയതോടെയാണ് സാഖിബിന് പാക് ടീമിലേക്ക് വിളിയെത്തിയത്. ഈ സീസണില്‍ താരം 9 കളിയില്‍ നിന്നു 47 വിക്കറ്റുകള്‍ വീഴ്ത്തിയിരുന്നു. പാകിസ്ഥാന്‍ സൂപ്പര്‍ ലീഗില്‍ ക്വെറ്റ ഗ്ലാഡിയേറ്റേഴ്‌സിന്റെ താരമാണ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
