ന്യൂഡല്‍ഹി: സുപ്രീംകോടതി കടലാസുകളില്‍നിന്നും പൂര്‍ണ്ണമായും ഡിജിറ്റലാകുമെന്ന് സുപ്രീംകോടതി ചീഫ് ജസ്റ്റിസ് ജെ.എസ്. കേഹാര്‍. ആറേഴുമാസത്തിനകം ഡിജിറ്റലാകും. അതുകഴിയുന്നതോടെ കേസുകള്‍ വേഗത്തില്‍ തീര്‍പ്പാക്കാനാകുമെന്നും അദ്ദേഹം പറഞ്ഞു. തന്റെ കേസുകള്‍ വേഗം തീര്‍പ്പാക്കണമെന്ന് മുതിര്‍ന്ന അഭിഭാഷകയായ ഇന്ദിരാ ജയ്‌സിംഗിന്റെ അഭ്യര്‍ത്ഥനയ്ക്ക് മറുപടിയായാണ് ചീഫ് ജസ്റ്റിസ് ഇക്കാര്യം അറിയിച്ചത്.
കീഴ്‌ക്കോടതിയുടെ രേഖകളെല്ലാം ഓണ്‍ലൈനായി ലഭ്യമാവുകയും ചെയ്യുന്നതോടെ ഡിജിറ്റലൈസേഷന്‍ പൂര്‍ണ്ണമാവും. ഡിജിറ്റലൈസേഷന്റെ ജോലികള്‍ ഇതിനകംതന്നെ തുടങ്ങിക്കഴിഞ്ഞു.