തിരുവനന്തപുരം; സംസ്ഥാനത്തെ കോളജുകളുടേയും മറ്റ് ഉന്നതവിദ്യാഭ്യാസ സ്ഥാപനങ്ങളുടേയും പ്രവർത്തന സമയം രാവിലെ 8.30 മുതൽ വൈകിട്ട് 3.30 വരെയാക്കി. കോവിഡ് പശ്ചാത്തലത്തിലാണ് നടപടി. ക്ലാസ് റൂം, ഓൺലൈൻ അധ്യാപന സമയം 8.30 മുതൽ ഉച്ചയ്ക്ക് 1.30 വരെയാണ്.

​ഗവേഷണം, പ്രോജക്ട് ഫണ്ടിങ് അപേക്ഷ, നാക്, എൻബിഎ അക്രഡിറ്റേഷൻ പ്രവർത്തനങ്ങൾ, റമഡിയൽ ക്ലാസ് എന്നിവയ്ക്കായി ബാക്കി സമയം വിനിയോ​ഗിക്കണം. പ്രിൻസിപ്പൽമാരും അനധ്യാപകരം എല്ലാ ദിവസവും കോളജിൽ ഹാജരാകണമെന്നും ഉന്നത വിദ്യാഭ്യാസ സെക്രട്ടറിയുടെ ഉത്തരവിൽ നിർദേശിച്ചു.