കാഞ്ഞങ്ങാട്: കാസര്‍കോട് കല്യോട്ട് രണ്ട് പ്രവര്‍ത്തകര്‍ കൊല്ലപ്പെട്ടതില്‍ പ്രതിഷേധിച്ച് യൂത്ത് കോണ്‍ഗ്രസ് നടത്തിയ മാര്‍ച്ചില്‍ അക്രമം.  പ്രവര്‍ത്തകരെ പിരിച്ച് വിടുന്നതിനായി പൊലീസ് ലാത്തിവീശുകയായിരുന്നു. അനിഷ്ട സംഭവങ്ങള്‍ ഒഴിവാക്കുന്നതിനായി ജില്ലയില്‍ കൂടുതല്‍ പൊലീസിനെ വിന്യസിച്ചിട്ടുണ്ട്.

 ഇന്നലെ രാത്രി എട്ടരയോടെ പെരുങ്കളിയാട്ടത്തിന്റെ ഒരുക്ക കമ്മിറ്റി കഴിഞ്ഞ് പോകുന്നതിനിടെയാണ്‌ യൂത്ത് കോണ്‍ഗ്രസ് പ്രവര്‍ത്തകരായ കൃപേഷിനും ശരത്തിനും വെട്ടേറ്റത്. സംഭവത്തിന് പിന്നില്‍ സിപിഎമ്മാണെന്നാണ് യൂത്ത് കോണ്‍ഗ്രസ് ആരോപിക്കുന്നത്. പ്രദേശത്ത് കഴിഞ്ഞ ദിവസം സിപിഎം- കോണ്‍ഗ്രസ് സംഘര്‍ഷമുണ്ടായിരുന്നു.