തുര്‍ക്കിയിലേക്ക് ആയുധങ്ങളുമായി പോയ ചരക്കുകപ്പല്‍ സോമാലിയന്‍ കടല്‍ക്കൊള്ളക്കാര്‍ റാഞ്ചി.തന്ത്രപ്രധാന മിസൈലുകളുടെയും ബോംബുകളുടെയും നിര്‍മ്മാണത്തില്‍ സ്വകാര്യ കമ്പനികള്‍ക്ക് അവസരം നല്‍കാന്‍ ഡിആര്‍ഡിഒ തീരുമാനിച്ചു. ഖനന നിയന്ത്രണ നിയമ ഭേദഗതിക്കെതിരെ കേരളം സുപ്രീംകോടതിയെ സമീപിക്കും. ഇന്നത്തെ 5 പ്രധാന വാര്‍ത്തകള്‍ ( Top 5 News Today) അറിയാം.

ആയുധങ്ങളുമായി പോയ ചരക്കുകപ്പല്‍ സോമാലിയന്‍ കടല്‍ക്കൊള്ളക്കാര്‍ റാഞ്ചി. കപ്പലിലെ പത്ത് ജീവനക്കാരില്‍ ആറ് പേര്‍ ഇന്ത്യക്കാരാണെന്ന് സോമാലിയന്‍ അധികൃതർ വ്യക്തമാക്കി. തുര്‍ക്കി സൈന്യത്തിനുള്ള ആയുധങ്ങളുമായി പോയ കാമറൂണ്‍ പതാകയുള്ള 'എം.വി ലുതുഫ്' എന്ന ചരക്കുകപ്പലാണ് കൊള്ളക്കാര്‍ റാഞ്ചിയത്.

ഇന്ത്യയുടെ പ്രതിരോധ ഉത്പാദന ശേഷി വര്‍ധിപ്പിക്കുന്നതിന്റെ ഭാഗമായി, ആണവായുധ ശേഷിയുള്ളവ ഉള്‍പ്പെടെ തന്ത്രപ്രധാന മിസൈലുകളുടെയും ബോംബുകളുടെയും നിര്‍മ്മാണത്തില്‍ സ്വകാര്യ കമ്പനികള്‍ക്ക് അവസരം നല്‍കാന്‍ ഡിആര്‍ഡിഒ തീരുമാനിച്ചു. ഇതുമായി ബന്ധപ്പെട്ട് ഡിആര്‍ഡിഒയുടെ 'മിസൈല്‍സ് ആന്‍ഡ് സ്ട്രാറ്റജിക് സിസ്റ്റംസ്' (എംഎസ്എം) വിഭാഗം താത്പര്യപത്രം ക്ഷണിച്ചു.

ഖനന നിയന്ത്രണ നിയമ ഭേദഗതിക്കെതിരെ കേരളം സുപ്രീംകോടതിയെ സമീപിക്കും. പാര്‍ലമെന്റ് പാസ്സാക്കിയ നിയമത്തിനെതിരെ കേരളം ഉള്‍പ്പെടെ നാല് കോണ്‍ഗ്രസ് ഭരണ സംസ്ഥാനങ്ങളാണ് പരമോന്നത കോടതിയെ സമീപിക്കുന്നത്. സംസ്ഥാനങ്ങളുടെ അധികാരത്തിലേക്ക് കടന്ന് കയറുന്ന നിയമ ഭേദഗതി അടിയന്തിരമായി റദ്ദാക്കണമെന്നാണ് സംസ്ഥാനങ്ങളുടെ നിലപാട്.

 ലഹരിക്കെതിരായ ഓപ്പറേഷന്‍ തൂഫാനില്‍ അറസ്റ്റിലായവരുടെ എണ്ണം പതിനായിരം കടന്നു. ഇതുവരെ 8.28 കിലോ എംഡിഎംഎയും 1000 കിലോ കഞ്ചാവും പിടികൂടിയതായി പൊലീസ് അറിയിച്ചു. കുറ്റവാളികളെ അമര്‍ച്ച ചെയ്യുക എന്ന ലക്ഷ്യത്തോടെ പ്രഖ്യാപിച്ച ഓപ്പറേഷന്‍ ഗ്രിപ്പില്‍ പിടികിട്ടാപ്പുള്ളികള്‍ അടക്കം 158 പേര്‍ അറസ്റ്റിലായിട്ടുണ്ട്.

സാമ്പത്തികമായി പ്രതീക്ഷിച്ച നേട്ടം ഉണ്ടാകും. പുതിയൊരു സംരംഭത്തെക്കുറിച്ച് ആലോചന നടത്തും. ബന്ധുക്കളിൽനിന്ന് നല്ല വാർത്ത കേൾക്കാ ൻ കഴിയും. ദൂരയാത്രയ്ക്ക് അവസരം ലഭിക്കും. വീടുമായി ബന്ധപ്പെട്ട ഒരു പ്രധാന കാര്യം പൂർത്തി യാക്കും. വിലപിടിപ്പുള്ള സാധനം വാങ്ങാൻ സാധ്യ തയുണ്ട്.വരുമാനം വർദ്ധിക്കും.സുഹൃത്തുക്കളുമായി നടത്തുന്ന കൂടിക്കാഴ്ച സന്തോഷകരമാകും.