തിരുവനന്തപുരം: ബ്ലാക്ക് ഫം​ഗസ് ബാധിച്ച് കേരളത്തിലും മരണം. മുല്ലപ്പള്ളി സ്വദേശിനി അനീഷ(32) ആണ് മരിച്ചത്. തിരുവനന്തപുരം മെഡിക്കൽ കോളജിൽ ചികിത്സയിലായിരുന്നു. 

കഴിഞ്ഞ ദിവസമാണ് അനീഷ മരിച്ചത്. തുടർന്ന് നടത്തിയ പരിശോധനയിൽ ബ്ലാക്ക് ഫം​ഗസ് സ്ഥിരീകരിച്ചു. സംസ്ഥാനത്ത് ബ്ലാക്ക് ഫം​ഗസ് ആശങ്ക ഓരോ ദിവസം പിന്നിടുമ്പോഴും കൂടി വരികയാണ്. കൊല്ലത്ത് 62കാരന്റെ ഒരു കണ്ണ് ശസ്ത്രക്രിയയിലൂടെ നീക്കിയിരുന്നു. രോ​ഗം ശരീരത്തിലേക്ക് വ്യാപിക്കുന്ന സാഹചര്യത്തിലായിരുന്നു ഇത്.