അതിതീവ്ര ചുഴലിക്കാറ്റായ അര്‍ണബ് കരതൊട്ടു. യാനത്താണ് ചുഴലിക്കാറ്റ് കരതൊട്ടത്. ജഡ്ജിയുടെ വീട്ടിൽ പൊലീസ് നടത്തിയ റെയ്ഡിൽ ആഡംബര ബൈക്കും ഡിജിറ്റൽ തെളിവുകളും പിടിച്ചെടുത്തു. ഇസ്രയേൽ പാർലമെന്റ് തെരഞ്ഞെടുപ്പിൽ എക്സിറ്റ് പോളുകളിൽ പ്രതിപക്ഷത്തിന് നേരിയ മുൻതൂക്കം. ഇന്നത്തെ 5 പ്രധാന വാർത്തകൾ ( Top 5 News Today ) അറിയാം.

അതിതീവ്ര ചുഴലിക്കാറ്റായ അര്‍ണബ് കരതൊട്ടു. ആന്ധ്രാപ്രദേശിലെ കാക്കിനാഡയ്ക്ക് സമീപമുള്ള യാനത്താണ് ചുഴലിക്കാറ്റ് കരതൊട്ടത്. കാറ്റിന്റെ പശ്ചാത്തലത്തില്‍ തീരദേശ ആന്ധ്രാ, യാനം, തെക്കന്‍ ഒഡീഷയുടെ ചില ഭാഗങ്ങള്‍ എന്നിവിടങ്ങളില്‍ ശക്തമായ മഴയും കാറ്റും തുടരുകയാണ്. മേഖലയില്‍ കനത്ത ജാഗ്രത മുന്നറിയിപ്പുണ്ട്. 

ചേരാനെല്ലൂരില്‍ 17 കാരന്‍ ഓടിച്ച വാഹം ഇടിച്ച് സ്‌കൂട്ടര്‍ യാത്രക്കാരന്‍ മരിച്ച സംഭവത്തില്‍ പ്രതിയുടെ പിതാവായ ജഡ്ജിയുടെ ഫ്‌ലാറ്റില്‍ നടന്ന പരിശോധന ഏഴു മണിക്കൂറോളം നീണ്ടു നിന്നു. ആഡംബര ബൈക്കും ഡിജിറ്റല്‍ തെളിവുകളും കമ്പനിപ്പടിയിലെ ഫ്‌ലാറ്റില്‍ നിന്നും അന്വേഷണ സംഘം പിടിച്ചെടുത്തു. ഫ്‌ലാറ്റിലെ സിസിടിവി ദൃശ്യങ്ങളും, ഫ്‌ലാറ്റ് ജീവനക്കാരുടെ മൊഴികളും ശേഖരിച്ചിട്ടുണ്ട്.

തേനിയിലെ സബ് ജയില്‍ ചാടിയ 17 തടവുകാരില്‍ 13 പേരെ പിടികൂടി 24 മണിക്കൂര്‍ പിടികൂടി പൊലീസ്. ജയിലിന് സമീപത്തെ മലഞ്ചെരിവിലെ മുള്‍ക്കാട്ടിലാണ് ഇവര്‍ ഒളിച്ചിരുന്നത്. പൊലീസിന്റെ ഡ്രോണ്‍ ഉപയോഗിച്ചുള്ള പരിശോധനയില്‍ ഇവര്‍ പിടിയിലാകുകയായിരുന്നു. രാത്രി മുഴുവന്‍ നടത്തിയ തിരച്ചിലിനിടയില്‍ നാല് പേരെ പിടികൂടിയിരുന്നു.

 74 ശതമാനം പോളിങ് രേഖപ്പെടുത്തിയ ഇസ്രയേല്‍ തെരഞ്ഞെടുപ്പില്‍ ആദ്യ ഫലസൂചനകള്‍ പുറത്തുവരുമ്പോള്‍ ഇഞ്ചോടിഞ്ച് പോരാട്ടം. ഒരു മുന്നണിക്കും കേവലഭൂരിപക്ഷം ലഭിക്കില്ലെന്ന എക്‌സിറ്റ് പോള്‍ ഫലങ്ങള്‍ ശരിവെക്കും വിധമാണ് തെരഞ്ഞെടുപ്പ് ഫലം. പ്രധാനമന്ത്രി ബെഞ്ചമിന്‍ നെതന്യാഹുവിന്റെ ലിക്യുഡ് പാര്‍ട്ടി 50 സീറ്റും മുന്‍ സൈനിക മേധാവി ഗാഡി ഐസന്‍കോട്ടിന്റെ യഷാര്‍ പാര്‍ട്ടി 52 സീറ്റും നേടുമെന്നാണ് എക്‌സിറ്റ് പോള്‍ ഫലം പറയുന്നത്. 

പിണങ്ങിപ്പിരിഞ്ഞ ബന്ധുക്കൾ വീണ്ടും സംസാരിച്ചു തുടങ്ങും. മക്കളുടെ ആവശ്യത്തിനായി യാത്ര ചെയ്യേണ്ടിവരും. പുതിയ കരാർ ഒപ്പിടുന്നതുമായി ബന്ധപ്പെട്ട ചർച്ചകൾ വിജയത്തിലെത്തും. വീട്ടിൽ മംഗള കർമങ്ങൾ നടത്തുന്നതിനെക്കുറിച്ച് ചർച്ച നടക്കും. സുഹൃത്തിന് നൽകിയ വാക്ക് പാലിക്കാൻ കഴിയും. കഴുത്ത്, തോളുകൾ എന്നിവിടങ്ങളിലെ അസ്വസ്ഥതകൾ അവഗണിക്കരുത്.