തൃശൂര്‍ നിലനിര്‍ത്തി എല്‍ഡിഎഫ്. സിപിഐയുടെ പി ബാലചന്ദ്രന്‍ വിജയിച്ചു. അടിക്കടി മാറിവന്ന ട്രെന്റുകള്‍ക്ക് ഒടുവിലാണ് തൃശൂരില്‍ എല്‍ഡിഎഫ് വിജയിച്ചിരിക്കുന്നത്. യുഡിഎഫ് സ്ഥാനാര്‍ത്ഥി പത്മജ വേണുഗോപാല്‍ രണ്ടാമത് എത്തിയപ്പോള്‍ ബിജെപിയുടെ സുരേഷ് ഗോപി മൂന്നാം സ്ഥാനത്തേക്ക് പിന്തള്ളപ്പെട്ടു. 

വോട്ടെണ്ണല്ലിന്റെ ആദ്യ റൗണ്ടുകളില്‍ ഏറെപ്പിന്നിലായിരുന്നു ബാലചന്ദ്രന്‍. അവസാന റൗണ്ടുകളില്‍ പോരാട്ടം പത്മജയും ബാലചന്ദ്രനും തമ്മിലായി. 1,115 വോട്ടിനാണ് ബാലചന്ദ്രന്‍ വിജയം നേടിയത്. 

തെരഞ്ഞെടുപ്പ് അവലോകന കണക്കുകളില്‍ സിപിഐയുടെയും സിപിഎമ്മിന്റെയും പട്ടികയ്ക്ക് പുറത്തായിരുന്നു തൃശൂരിന്റെ സ്ഥാനം. എന്നാല്‍ പാര്‍ട്ടി നേതൃത്വത്തെ പോലും ഞെട്ടിക്കുന്നതാണ് പി ബാലചന്ദ്രന്റെ വിജയം. 

ഇതോടെ തൃശൂര്‍ ജില്ലയില്‍ ഒരിടത്ത് മാത്രമാണ് യുഡിഎഫിന് മേല്‍ക്കൈ. ചാലക്കുടിയിലാണ് നിലവില്‍ എല്‍ഡിഎഫ് ലീഡ് ചെയ്യുന്നത്.