തൊടുപുഴ: ഇടുക്കി ശാന്തന്‍പാറയില്‍ എട്ടാം ക്ലാസ് വിദ്യാര്‍ഥി തുങ്ങി മരിച്ച നിലയില്‍. ശാന്തന്‍പാറ ടാങ്ക്‌മേട് നാഗരാജ് ചിത്ര ദമ്പതികളുടെ മൂത്ത മകന്‍ പുകളേന്തി (14) ആണ് മരിച്ചത്. മുത്തശ്ശിയുടെ വീട്ടിലെ മുറിക്ക് ഉള്ളിലാണ് കുട്ടിയെ തുങ്ങിമരിച്ച നിലയില്‍ കണ്ടെത്തിയത്. ആത്മഹത്യയാണെന്നാണ് പ്രാഥമിക നിഗമനം.

പുകളേന്തി വെള്ളിയാഴ്ച സ്‌കൂളില്‍ പോയിരുന്നില്ല. വീട്ടിലുള്ളവര്‍ പണിക്ക് പോയ ശേഷം മുത്തശ്ശിയുടെ വീട്ടില്‍ എത്തി തുങ്ങി മരിക്കുകയായിരുന്നു എന്നാണ് നിഗമനം. ചിന്നക്കനാല്‍ ഫാത്തിമ മാതാ സ്‌കൂളിലെ എട്ടാം ക്ലാസ് വിദ്യാര്‍ത്ഥി ആണ്. ശാന്തന്‍പാറ പൊലീസ് മേല്‍നടപടികള്‍ സ്വികരിച്ചു.