തിരുവനന്തപുരം: മോട്ടോര് വാഹന വകുപ്പ് ഉദ്യോഗസ്ഥര്ക്ക് എതിരെ നടത്തിയ അധിക്ഷേപ പരാമര്ശത്തില് എംഎം മണി എംഎല്എക്കെതിരെ ഡിജിപിക്ക് പരാതി. ഫെഡറേഷന് ഓഫ് എംപ്ലോയീസ് ആന്റ് ടീച്ചേഴ്സ് ഓര്ഗനൈസേഷന് ആണ് പരാതി നല്കിയത്. സര്ക്കാര് ജീവനക്കാരേയും കുടുംബാംഗങ്ങളെയും അപമാനിച്ചെന്നാണ് പരാതിയില് പറയുന്നത്. എംഎം മണിയുടെ പരാമര്ശം എംഎല്എ എന്ന പദവി ദുരുപയോഗം ചെയ്യലാണ്. ഇതിനെതിരെ ശക്തമായ നടപടി വേണമെന്നും പരാതിയില് പറയുന്നു.
മോട്ടര് വാഹന വകുപ്പ് ഉദ്യോഗസ്ഥര് അമിത പിഴ ഈടാക്കുന്നു എന്ന് ആരോപിച്ച് ഉടുമ്പന്ചോലയില് നടത്തിയ മാര്ച്ചില് സംസാരിക്കവെയാണ് എംഎം മണി സ്ത്രീവിരുദ്ധ പരാമര്ശം നടത്തിയത്.
'രാഷ്ട്രീയം ഉള്ളിലുണ്ടെന്ന് കരുതി ഔദ്യോഗിക കൃത്യനിര്വഹണത്തിന് നിന്റെയൊക്കെ രാഷ്ട്രീയം എടുത്താല് ഞങ്ങളും രാഷ്ട്രീയം എടുക്കും. പിന്നെ നീയൊന്നും ഇവിടെ ജീവിച്ചിരിക്കില്ല. എന്തെങ്കിലും കേസെടുക്കുക, എന്നിട്ട് പിണറായി വിജയന്റെ പേര് പറയുക. സര്ക്കാരിന് മുതലുണ്ടാക്കാനാണെന്ന് പറയുക. സര്ക്കാര് നിന്നോടൊക്കെ കൊള്ളയടിക്കാന് പറഞ്ഞോ?. നിന്റെയൊക്കെ അമ്മയെയും പെങ്ങന്മാരെയും കൂട്ടിക്കൊടുക്കാന് പറഞ്ഞോ?. സര്ക്കാരിന് ന്യായമായ നികുതി കൊടുക്കണം. നികുതി പിരിക്കാന് സംവിധാനങ്ങള് ഉണ്ട്'- മണി പറഞ്ഞു.
ഈ വാര്ത്ത കൂടി വായിക്കൂ 'സാധനം എന്ന വാക്ക് പിന്വലിക്കുന്നു, ആരോഗ്യമന്ത്രിക്ക് അന്തവും കുന്തവുമില്ലെന്ന് ഇനിയും പറയും'; കെഎം ഷാജി
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates