CPI(M) Leader IP Binu Added to Police Rowdy List in Thiruvananthapuram. file
Kerala

സിപിഎം നേതാവ് ഐ പി ബിനു റൗഡി ലിസ്റ്റിൽ

ഇ.ഡി ഉദ്യോഗസ്ഥരെ ആക്രമിച്ച കേസിലും ബിജെപി സംസ്ഥാന കാര്യാലയം ആക്രമിച്ച കേസിലും ബിനു പ്രതിയാണ്.

Author : സമകാലിക മലയാളം ഡെസ്ക്
Edited By : Joice Daniel

തിരുവനന്തപുരം: സിപിഎം ബാലരാമപുരം ലോക്കൽ കമ്മിറ്റി സെക്രട്ടറി ഐ.പി. ബിനുവിനെ പൊലീസ് റൗഡി ലിസ്റ്റിൽ ഉൾപ്പെടുത്തി. സമരക്കേസുകൾക്കും ജാമ്യമില്ലാ കേസുകൾക്കും പുറമെ നാല് ക്രിമിനൽ കേസുകളിൽ കൂടി പ്രതിയായ സാഹചര്യത്തിലാണ് വഞ്ചിയൂർ പൊലീസിന്റെ നടപടി. ഇ.ഡി ഉദ്യോഗസ്ഥരെ ആക്രമിച്ച കേസിലും ബിജെപി സംസ്ഥാന കാര്യാലയം ആക്രമിച്ച കേസിലും ബിനു പ്രതിയാണ്.

വീട്ടിലെത്തിയാണ് പൊലീസ് നടപടി സംബന്ധിച്ച വിവരം അറിയിച്ചതെന്ന് ഐ.പി. ബിനു സമൂഹമാധ്യമത്തിലൂടെ വ്യക്തമാക്കി. പേട്ടയിലെ വീട്ടിൽ പരിശോധനയ്‌ക്കെത്തിയ ഇ.ഡി ഉദ്യോഗസ്ഥരെ ആക്രമിച്ച കേസിൽ പ്രധാന പ്രതികളിലൊരാളാണ് ബിനു. ഈ കേസിൽ തന്റെ ജാമ്യം റദ്ദാക്കണമെന്ന പൊലീസിന്റെ അപേക്ഷ കോടതിയിൽ തിരിച്ചടി നേരിട്ടതിന് പിന്നാലെയാണ് റൗഡി ലിസ്റ്റിൽ ഉൾപ്പെടുത്തിയതെന്നാണ് ബിനുവിന്റെ ആരോപണം.

താൻ ഒരു തരത്തിലുള്ള ക്രിമിനൽ പ്രവൃത്തിയിലും ഏർപ്പെട്ടിട്ടില്ലെന്നും രാഷ്ട്രീയ കേസുകളിൽ മാത്രം പ്രതിയായ തന്നെ റൗഡി ലിസ്റ്റിൽ ഉൾപ്പെടുത്തിയത് ഭരണകൂട പ്രതികാരമാണെന്നും ബിനു പറഞ്ഞു. ഉന്നതതല ഗൂഢാലോചനയുടെ ഭാഗമായാണ് നടപടിയെന്നും ആർഎസ്എസ് പോലുള്ള സംഘടനകളെ പ്രീതിപ്പെടുത്താനാണ് നീക്കമെന്നും നടപടി രാഷ്ട്രീയപ്രേരിതമാണെന്നും ബിനു വ്യക്തമാക്കി.

CPI(M) Leader IP Binu Added to Police Rowdy List in Thiruvananthapuram.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

'വോട്ടർമാരുടെ മതമോ ജാതിയോ സംബന്ധിച്ച വിവരങ്ങൾ ഉൾപ്പെടുത്താറില്ല'; യോഗിക്ക് തെരഞ്ഞെടുപ്പ് കമ്മീഷന്റെ മറുപടി

മലയാളത്തിലെ ആദ്യ എഐ അധിഷ്ഠിത കിഡ്‌സ് ഒറിജിനൽ; ‘ഖുഷി – ദ പ്രിൻസസ് ഓഫ് ദ ജംഗിൾ’ സ്ട്രീമിങ് ആരംഭിച്ചു

കേന്ദ്ര സർക്കാർ ജോലി നേടാം; കൊച്ചി നാളികേര വികസന ബോർഡിൽ 35 ഒഴിവുകൾ

മകളുടെ മരണവും ചെരുപ്പിടില്ലെന്ന വിജയ് ആന്റണിയുടെ തീരുമാനവും; ഇന്നും ധരിക്കുന്നത് അവളുടെ വാച്ച്; പൊട്ടിക്കരഞ്ഞ് ഭാര്യ

സമൂഹമാധ്യമങ്ങളിൽ നിന്ന് നീക്കിയത് 15,627 പോസ്റ്റുകളും ലിങ്കുകളും; സർക്കാരിന്റെ അറിവോടെയല്ലെന്ന വാദം പൊളിയുന്നു