പത്തനംതിട്ട: തിരുവല്ല പെരിങ്ങരയില്‍ സിപിഎം ലോക്കല്‍ കമ്മിറ്റി സെക്രട്ടറി കുത്തേറ്റ് മരിച്ചു. പി ബി സന്ദീപ് കുമാറാണ് കൊല്ലപ്പെട്ടത്.

രാത്രി എട്ടുമണിയോടെ മേപ്രാലില്‍ വച്ചാണ് സംഭവം. ബൈക്കിലെത്തിയ മൂന്നംഗ സംഘമാണ് ആക്രമിച്ചത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല. ശരീരത്തില്‍ ഒന്നിലധികം കുത്തേറ്റ പാടുകളുണ്ട്. പ്രതികള്‍ ആരെന്ന് തിരിച്ചറിഞ്ഞിട്ടില്ല. അന്വേഷണം ആരംഭിച്ചതായി പൊലീസ് പറയുന്നു.

ചാത്തങ്കരിയിലെ വഴിയില്‍ കലുങ്കില്‍ ഇരിക്കുകയായിരുന്ന സന്ദീപിനെ അക്രമി സംഘം ബൈക്കിലെത്തി ആക്രമിക്കുകയായിരുന്നു എന്നാണ് പ്രാഥമിക വിവരം. സന്ദീപിന്റെ നെഞ്ചില്‍ ഒന്‍പത് കുത്തേറ്റു.  കൊലയ്ക്ക് പിന്നില്‍ ആര്‍എസ്എസ് പ്രവര്‍ത്തകരെന്ന് സിപിഎം ആരോപിച്ചു.