കൊച്ചി: യുവ നേതാവ് മോശമായി ഇടപെട്ടെന്ന വെളിപ്പെടുത്തലുകള്ക്ക് പിന്നാലെ നേരിട്ട സൈബര് ആക്രമണങ്ങളില് പരാതിയുമായി നടി റിനി ജോര്ജ്. മുഖ്യമന്ത്രിക്കും ഡിജിപിക്കും പൊലീസിലുമാണ് റിനി പരാതി നല്കിയിരിക്കുന്നത്. തനിക്കെതിരെ ഉണ്ടായ സൈബര് ആക്രമണങ്ങള്, അപകീര്ത്തികരമായ പ്രചാരണങ്ങള് എന്നിവയില് കേസെടുക്കണം എന്നാണ് റിനിയുടെ ആവശ്യം.
വിവിധ സമൂഹ മാധ്യമ അക്കൗണ്ടുകള് ഓണ്ലൈന് യൂട്യൂബ് ചാനലുകള് എന്നിവയ്ക്ക് പുറമെ രാഹുല് ഈശ്വര്, ഷാജന് സ്കറിയ എന്നിവര്ക്കെതിരെയും റിനി പരാതി നല്കിയിട്ടുണ്ട്. തന്നെ മോശമായി പരാമര്ശിക്കുന്ന വീഡിയോകളുടെ ലിങ്കുള്പ്പെടെ റിനി പരാതിക്ക് ഒപ്പം സമര്പ്പിച്ചിട്ടുണ്ട്.
റിനിയുടെ വെളിപ്പെടുത്തലുകള്ക്ക് പിന്നാലെ പാലക്കാട് എംഎല്എ രാഹുല് മാങ്കൂട്ടത്തിലിന് എതിരെ നിരവധി പരാതികള് ഉയര്ന്നിരുന്നു. രാഹുല് മാങ്കൂട്ടത്തിലിന്റെ ചൂഷണത്തിന് ഇരയായ യുവതിക്ക് റിനി ഐക്യദാര്ഡ്യവും അറിയിച്ചിരുന്നു. രാഹുല് മാങ്കൂട്ടത്തിലിന് എതിരെ ഉയര്ന്ന പരാതികള് അന്വേഷിക്കാന് സര്ക്കാര് പ്രത്യേക സംഘത്തെ ഉള്പ്പെടെ നിയോഗിക്കുകയും ചെയ്തിരുന്നു. പ്രത്യേക സംഘം റിനിയില് നിന്നുള്പ്പെടെ മൊഴി രേഖപ്പെടുത്തിയതിന് പിന്നാലെയാണ് ഇപ്പോള് സൈബര് ആക്രമണത്തില് പരാതി സമര്പ്പിച്ചിരിക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates