മുഖ്യമന്ത്രി വിഡി സതീശന്‍  
Kerala

അനുമതിയില്ലാതെ മുഖ്യമന്ത്രിയെ കണ്ടു, കേരള ഹൗസ് ജീവനക്കാര്‍ക്കെതിരെ നടപടി, അരുതെന്ന് മുഖ്യമന്ത്രി

Author : സമകാലിക മലയാളം ഡെസ്ക്
Edited By : Damodaran K

ന്യൂഡൽഹി:കേരള ഹൗസിൽ മുഖ്യമന്ത്രി വിഡി സതീശനെ അനുമതിയില്ലാതെ കാണാൻ ശ്രമിച്ച രണ്ട് ജീവനക്കാർക്കെതിരെ നടപടി. റെസിഡന്റ് കമ്മീഷണർ പുനീത് കുമാറിന്റെ നിർദ്ദേശപ്രകാരം കേരള ഹൗസ് കൺട്രോളർ ജീവനക്കാരോട് വിശദീകരണം തേടി. എന്നാൽ സംഭവം വിവാദമായതോടെ വിഷയത്തിൽ ഇടപെട്ട മുഖ്യമന്ത്രി ജീവനക്കാർക്കെതിരെ യാതൊരുവിധ തുടർനടപടികളും പാടില്ലെന്ന് റെസിഡന്റ് കമ്മീഷണർക്ക് കർശന നിർദ്ദേശം നൽകി.

കഴിഞ്ഞ ദിവസം ഡൽഹിയിലെത്തിയ മുഖ്യമന്ത്രി കേരളത്തിലേക്ക് മടങ്ങുന്നതിന് മുൻപായി കൊച്ചിൻ ഹൗസിലെ മുറിയിലെത്തി രണ്ട് ജീവനക്കാർ അദ്ദേഹത്തെ കണ്ടതാണ് പുതിയ വിവാദത്തിന് കാരണമായത്. മുഖ്യമന്ത്രിക്കായുള്ള ഔദ്യോഗിക ചുമതലയിലില്ലാത്ത ജീവനക്കാരാണ് മുറിയിലെത്തി അദ്ദേഹത്തെ കണ്ടത്. ഇത് നിലവിലെ നിർദ്ദേശങ്ങൾക്ക് വിരുദ്ധമാണെന്ന് ചൂണ്ടിക്കാട്ടിയാണ് ജീവനക്കാരായ സിബി ജോസ്, പിസി സുരേഷ് കുമാർ എന്നിവർക്ക് കൺട്രോളർ മെമോ നൽകിയത്.

മുഖ്യമന്ത്രി കേരള ഹൗസിലെത്തുമ്പോൾ സുരക്ഷയുടെയും തിരക്ക് നിയന്ത്രണത്തിന്റെയും ഭാഗമായി മുറിക്ക് മുന്നിൽ അനാവശ്യമായി കൂട്ടംകൂടരുതെന്ന് നേരത്തെ നിർദ്ദേശം നൽകിയിരുന്നു എന്നാണ് അധികൃതരുടെ വിശദീകരണം. കാരണം കാണിക്കൽ നോട്ടീസിന് ജീവനക്കാർ ഇന്നലെ മറുപടി നൽകിയിരുന്നു. ഇതിനിടെ സംഭവം വാർത്തയായതോടെയാണ് മുഖ്യമന്ത്രി ഇടപെട്ട് നടപടികൾ നിർത്തിവെക്കാൻ നിർദ്ദേശിച്ചത്.

Two employees at Delhi's Kerala House were issued show-cause memos on the Resident Commissioner's directive for meeting Chief Minister V.D. Satheesan without permission, prompting the CM to intervene and instruct authorities not to take any further action against them.

Subscribe to our Newsletter to stay connected with the world around you

Follow Samakalika Malayalam channel on WhatsApp

Download the Samakalika Malayalam App to follow the latest news updates 

സംസ്ഥാന സര്‍ക്കാരിന് തിരിച്ചടി; മയില്‍പ്പീലി സ്‌കോളര്‍ഷിപ്പ് പരീക്ഷ നടത്താന്‍ ഹൈക്കോടതി അനുമതി

മഞ്ഞളിനൊപ്പം കരുമുളക്, മീൻ കറിയും ചീരത്തോരനും നാരങ്ങ അച്ചാറും; ശരീരം ഹെൽത്തിയാകാൻ ഒരു നാടൻ കോമ്പിനേഷൻ

കൊളത്തൂർ പിടിയ്ക്കാൻ സ്റ്റാലിൻ ഇറങ്ങുമോ? അങ്കത്തട്ടിലേക്ക് കണ്ണുംനട്ട് തമിഴകം

ഒടുവില്‍ പാകിസ്ഥാന്‍ പരമ്പര ജയിച്ചു; 2026ല്‍ ഒരു ടെസ്റ്റും ജയിക്കാതെ ശ്രീലങ്ക!

വിനീത് ശ്രീനിവാസന്റെ 'ചടങ്ങ്' ചിത്രീകരണം പൂർത്തിയായി, ഉടൻ തിയേറ്ററുകളിലേക്ക്